Barranin
Jitwaqqa’ l-ewwel ajruplan militari tas-Sirja mill-koalizzjoni tal-Istati Uniti

Ajruplan militari tal-Gvern Sirjan twaqqa’ għall-ewwel darba minn fighter jet tal-koalizzjoni mmexxija mill-Istati Uniti. Huwa maħsub li dan kien l-ewwel ajruplan militari li twaqqa’ minn ajruplan militari Amerikan sa mill-kampanja tal-Kosovo fl-1999.

L-SU-22 twaqqa’ l-Ħadd waranofsinhar f’Raqqa mill-F/A-18E Super Hornet, peress li kien qed jitfa’ l-bombi qrib is-Syrian Democratic Forces (SDF), li huma alleati mal-Istati Uniti.

Il-Pentagon qal li militanti favur il-gvern Sirjan kienu attakkaw sezzjonijiet tas-SDF u ħarġuhom ‘il barra minn Ja’Din. L-SDF qegħdin jiġġieldu biex jirbħu lura Raqqa mingħand l-Istat Iżlamiku, iżda jopponu wkoll lill-Gvern Sirjan.

Skont il-Pentagon, il-jets tal-koalizzjoni ppruvaw inaffru lil dawn il-militanti, u anki għamlu kuntatt mar-Russja; l-alleat tas-Sirja, f’tentattiv biex is-sitwazzjoni tkun ikkalmata. Qal, iżda, li ftit sigħat wara l-SU-22 xeħet il-bombi fuq il-pożizzjonijiet tal-SDF, u hemm twaqqa’ immedjatament.

Il-gvern Sirjan ikkundanna dan l-attakk u wissa li se jkollu riperkussjonijiet perikolużi.

Aħbarijiet Oħra
Barranin

Il-Pulizija Brażiljana arrestat madwar 108 persuna li huma suspettati b’involviment fil-pedofelija. F’operazzjoni madwar il-pajjiż, il-pulizija Brażiljana rnexxielha tkisser ċirku ta’ pedofelija li kien mifrux f’diversi stati. F’din l-operazzjoni kienu involuti…

Barranin

Il-kabinett Spanjol mistenni japprova miżuri li jippermettu lill-Gvern sabiex imexxi hu r-reġjun ta’ Katalunja. Il-Prim Ministru Mariano Rajoy se jlaqqa’ l-kabinett tliet ġimgħat wara li fir-reġjun sar referendum għall-indipendenza. Il-Gvern…

Barranin

Fl-2015, disa’ miljun persuna madwar id-dinja mietu kawża ta’ tniġġiż fl-arja. Dan ġie żvelat mill-ġurnal internazzjonali The Lancet, li jgħid li l-maġġoranza tal-imwiet seħħew l-iktar f’pajjiżi fqar jew f’pajjiżi fejn…

Barranin

Ġurnata qabel jagħlaq l-ultimatum biex ir-reġjun Katalan fi Spanja jiċċara l-pożizzjoni tiegħu dwar l-indipendenza, id-Deputat Prim Ministru Spanjola Soraya Saenz de Santamaria tat twissija lill-Mexxej tal-Katalunja Carles Puigdemont biex iwaqqaf…

Aktar