Kurżitajiet
Jixrob flixkun inbid ta’ €5,000 wara li l-waiter ħareġ wieħed b’ieħor

Klijent li kien qed jiekol f’restorant f’Manchester kien fortunat biżżejjed biex mal-ikla ngħata flixkun inbid aħmar bi żball li kien ħafna ifjen minn dak li ordna.

Fuq il-media soċjal ta’ Hawksmoor Manchester intqal li l-klijent ħa pjaċir bis-serata li qatta fir-restorant wara li ngħata flixkun Chateau le Pin Pomerol tal-2001 li jiswa £4,500 (ekwivalenti għal €5,150).

Kien żball ta’ impjegat tar-restorant li serva dan l-inbid u minflok pattieha qares, sid ir-restorant ikkummenta li dan kien żball ta’ darba u xorta waħda jħobb lil dan l-impjegat.

Malli deher dan il-messaġġ fuq il-media soċjali, kien hemm bosta li kkummentaw, fosthom kliem ta’ tifħir għar-restorant u l-mod kif indirizza din is-sitwazzjoni.

Skont gwida tal-inbejjed online jirriżulta li t-tip ta’ inbid li sserva lill-klijent bi żball fid-dinja hawn biss 500 kaxxa bħalu.  Mhux magħruf kemm il-klijent ħallas għall-inbid li xorob waqt l-ikla.

Aħbarijiet Oħra
Barranin

L-Arabja Sawdija wkoll qed takkuża lill-Iran għall-attakki li saru fuq it-tankers taż-żejt f’rotta li tagħti għall-Golf ta’ Oman. Il-Prinċep Sawdi, Mohammed bin Salman qal li pajjiżu mhux se joqgħod jaħsibha…

Barranin

F’għeluq ix-xahrejn min-nirien fil-katidral ikoniku tan-Notre Dame f’Pariġi, illejla ġiet iċċelebrata quddiesa għal udjenza limitata li għaliha ttieħdu wkoll għadd ta’ prekawzjonijiet ta’ sigurtà. Fil-Katidral ta’ Notre Dame f’Pariġi ċċelebrata…

Barranin

Tħabbret il-mewt tad-Direttur tal-films Taljan, Franco Zeffirelli. Zeffirelli miet fl-età ta’ 96 sena fir-residenza tiegħu f’Ruma, wara li ħakmitu marda. Huwa kien magħruf għal bosta produzzjonijiet fosthom l-aktar wieħed ċelebri,  dak…

Barranin

Adélio Bispo de Oliveira, li ġie mixli li nifed lill-President Brażiljan, inħeles mill-arrest wara li l-Qorti sabet li ma kienx konxju ta’ għemilu. Il-Qorti qalet li l-liġi Brażiljana ma tistax…

Aktar