Tfal
Jixtiequ li ssir kampanja effettiva kontra l-bullying u l-esklużjoni soċjali

It-tfal membri f’kunsill tal-fondazzjoni għall-ġid tas-soċjetà jixtiequ li ssir kampanja effettiva kontra l-bullying u kontra l-esklużjoni soċjali. Dawn kienu wħud mill-proposti li ressqu waqt diskussjoni fil-Parlament li għaliha attenda l-Ispeaker Anġlu Farrugia, il-President Emeritus Marie-Louise Coleiro Preca u ħames membri parlamentari Ewropej.

Fuq inizjattiva tal-President Emeritus Marie-Louise Coleiro Preca, tfal fi ħdan il-kunsill tat-tfal u żgħażagħ fil-fondazzjoni għall-ġid tas-soċjetà, kienu entużjasti f’laqgħa fejn ingħataw iċ-ċans iressqu proposti konkreti biex jagħmlu d-differenza fid-dinja tat-tfal u ż-żgħażagħ f’Malta, l-iktar f’aspetti fejn it-tfal jispiċċaw isofru bħall-bullying u l-esklużjoni soċjali.

L-Ispeaker Anġlu Farrugia qal li l-Parlament għandu jkun spazju għat-tfal u l-bqija tal-poplu biex jesrpimi ruħu u li għalhekk apprezza din l-inizjattiva biex it-tfal jersqu ‘l quddiem bi proposti u suġġerimenti għall-ġid tas-soċjetà. Dr Farrugia qal li s-soċjetà għandha bżonn iktar kampanji biex kulħadd jiġi rispettat, bil-ġid jitqassam ugwalment għand kulħadd fejn l-indifferenza ma tiġix aċċettata.

Il-President emeritus Marie-Louise Coleiro Preca qalet li l-Parlament huwa dar il-Maltin u apprezzat li din qed tagħti spazju wkoll lit-tfal li fi ħdan il-kunsill qed jaħdmu bis-sħiħ biex jagħmlu d-differenza fil-ħajja tal-oħrajn.

Aħbarijiet Oħra
Annimali

F’park tal-annimali fl-Imtaħleb is-sidien Christopher Borg u Oksana qisha twieldet tarbija ġdida fil-park, din id-darba l-ewwel ferħ tal-koppja orsijiet Yoggi u Paddy. Yoggi li hija l-ors femminili u Paddy li…

Knisja Maltija

L-Arċisqof Charles J Scicluna qal li Malta għandha bżonn is-solidarjetà ta’ kulħadd. L-isqfijiet Maltin qed jattendu konferenza f’Bari dwar l-immigrazzjoni u l-paċi fil-mediterran. F’intervista qabel il-konferenza, l-Arċisqof Scicluna qal li…

Unjoni Ewropea

Il-ħruġ tar-Renju Unit mill-Unjoni Ewropea se jfisser mas-sittin biljun ewro inqas fil-Budget li jmiss tal-Unjoni Ewropea li jkopri s-seba’ snin li ġejjin. Il-President tal-Kunsill Ewropew, Charles Michel qed jipproponi li…

Politika

Il-Partit Nazzjonalista permezz tal-kelliem tiegħu Edwin Vassallo wera tħassib li fi kliemu għexieren ta’ bdiewa se jiġu żgumbrati mill-għelieqi tagħhom biex issir estensjoni tal-miżbla fil-Magħtab. Huwa qal dan wara l-avviż…

Aktar