Lokali
AĠĠORNAT: Il-Ministru Bartolo u l-MUT mhux jaraw għajn m’għajn

Il-Ministru għall-Edukazzjoni Evarist Bartolo qal li fil-Budget tas-sena d-dieħla n-nefqa fl-edukazzjoni żdiedet b’€35 miljun fuq is-sena li għaddiet.

Waqt li tkellem dwar il-miżuri tal-Budget fil-qasam edukattiv u l-ftehim li qed ikun negozjat mal-MUT dwar il-kundizzjonijiet tal-għalliema, il-Ministru Bartolo ċċara li l-istedina li saret lill-istudenti tal-Università biex jimlew vakanzi ta’ għalliema hija intiza għal studenti li diġà ggradwaw u qed jagħmlu kors tal-masters.

Il-Minsitru tal-Edukazzjoni Evarsit Bartolo qal li l-investiment fl-edukazzjoni s-sena d-dieħla se jiżdied €35 miljun li fost oħrajn ser jiffinanzjaw proġetti ta’ bini ta’ skejjel kif ukoll inizjattivi biex l-edukazzjoni tilħaq is-saffi kollha tal-istudenti.

Il-Ministru Bartolo semma’ l-proġett My Journey, bil-mira hi s-sistema edukattiva fis-sekondarja tadatta għall-ħiliet tal-istudent u mhux viċi versa.

“My Journey huwa vjaġġ edukattiv li titgħallem b’modi differenti, jiġifieri jekk titgħallem b’sengħa jew mod ta’ kif taħdem b’idejk, se tingħata dak ic-cans” qal Bartolo.

Is-Sur Bartolo qal li ser jitkompla x-xogħol fuq skejjel ġodda fil-Qawra, l-Imsida u fir-Rabat Għawdex u jitkompla l-proġett tat-tablets.

Il-Ministru ħabbar li mil-lum il-past papers tas-sec u l-Matsec se jitniżżlu b’xejn minn fuq is-sit tal-Università u li l-Gvern se jżomm mal-wegħda elettorali li f’sentejn dawn l-eżamijiet se jkunu wkoll bla ħlas għall-istudenti.

Huwa semma’ l-importanza li l-inkluzjoni tal-istudenti b’kundizzjonijiet varji, bħall-awtiżmu, billi titwettaq aħjar bi programmi apposta biex dawn jilħqu l-milja tagħhom fis-sistema eduakattiva.

Żied jgħid li fi żmien qasir se jintlaħaq il-ftehim mal-MUT biex jitjiebu l-kundizzjonijiet tal-għalliema li qal għandu jwassal biex iħajjar aktar studenti lejn il-professjoni tal-għalliema. Is-sur Bartolo rrikonoxxa li hemm numru żgħir ta’ għalliema u LSAs li bħalissa huma nieqsa.

Mistoqsi mill-ġurnalisti dwar l-istedina tad-Dipartiment tal-Edukazzjoni biex studenti tal-Università jiġu mħajra jidħlu jgħallmu xi suġġetti, il-Ministru Bartolo spjega li hu jemmen li dawn għandhom ikunu studenti li qed jistudjaw għall-Masters u li jkunu diġà ggradwaw.

Reazzjoni MUT:

Intant, l-MUT qalet fi stqarrija li l-Ministru Bartolo mhuwiex jara u jifhem il-problema tan-nuqqas ta’ għalliema meta qed jipprova jċekken il-problema. L-Union tal-Għalliema qalet li l-professjoni tħossha insulentata bl-email tad-Dipartiment tal-Edukazzjoni li qed toffri lill-istudenti universitarji biex jgħallmu part time fl-iskejjel numru ta’ suġġetti. Dwar il-ftehim tal-għalliema, l-MUT qalet li jekk il-Ministru ma jressaqx proposti serji fosthom biex tissolva dik li sejħet bħala kriżi ta’ nuqqas ta’ għalliema, hija ma jkollhiex triq oħra għajr li tordna azzjonijiet industrijali.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar