Lokali
Jiżdiedu b’8.4% l-għadd ta’ passiġġieri li għaddew mill-Ajruport f’Awwissu

Il-vaganzi tas-sajf flimkien ma’ għażla ta’ aktar minn 120 destinazzjoni wasslu għal jiem tassew impenjattivi għall-Ajruport Internazzjonali ta’ Malta. Fil-fatt, tul ix-xahar ta’ Awwissu għaddew mill-ajruport 823,653 passiġġier.

Din iċ-ċifra ssarraf fi tkabbir ta’ 8.4% fuq l-istess xahar is-sena li għaddiet. Iż-żieda fin-numru tal-passiġġieri ġiet irreġistrata flimkien ma’ żieda ta’ 5.8% fil-movimenti tal-ajruplani u titjib ta’ 7.6% fil-postijiet disponibbli fuq it-titjiriet operati lejn Malta.

Barra minn hekk, is-seat load factor (SLF) ta’ Awwissu wera titjib marġinali fuq l-istess xahar is-sena li għaddiet biex b’hekk laħaq it-88%.

L-aqwa ħamest iswieq tal-Ajruport Internazzjonali ta’ Malta kienu r-Renju Unit (+3.1%), lItalja (+0.4%), il-Ġermanja (+24.7%), Franza (+13.7%) u Spanja (+9.3%).

Il-prestazzjoni ta’ dawn is-swieq irriżultat parzjalment mill-iskeda tas-sajf tal-Ajruport Internazzjonali ta’ Malta li ġabet magħha diversi żviluppi ġodda, inklużi l-introduzzjoni ta’ diversi rotot ġodda u titjib fil-frekwenza ta’ għadd ta’ titjiriet.

Aħbarijiet Oħra
Settur Marittimu

Il-kumpanija Valletta Cruise Port li tmexxi t-terminal tal-passiġġieri tal-cruise-liners u faċilitajiet oħra fil-Port il-Kbir qed tieħu miżuri favur l-ambjent biex tikseb ċertifikazzjoni ta’ port ekoloġiku. Intervistat minn TVM, il-Kap Eżekuttiv…

Knisja Maltija

L-Arċisqof Charles J. Scicluna appella għar-rispett lejn id-dinjità tal-mara waqt quddiesa li fiha talab biex terġa’ tinfetaħ il-kawża għall-beatifikazzjoni ta’ Adelaide Cini, li qal l-eżempju ta’ ħajjitha u l-ħidma li…

Qorti

Il-Qorti Kostituzzjonali laqgħet ir-rikors tal-Ministri Edward Scicluna, Konrad Mizzi u Chris Cardona biex ma jixhdux f’kawża kostituzzjonali iżda fi żmien jumejn iridu jippreżentaw s-silta minn fejn ikkwotaw ir-rapport tal-inkjesta Egrant…

Budget

Il-Ministru għall-Finanzi, Edward Scicluna qal li l-Budget ippreżentat ilbieraħ u r-reazzjoni ġenerali għalih huma turija li l-Gvern hu konxju tal-isfidi, l-opportunitajiet u l-ħtiġijiet tan-nies. F’konferenza tal-aħbarijiet l-għada tal-Budget, il-Ministru Scicluna…

Aktar