Turiżmu
Jiżdiedu bi 8.3% t-turisti li żaru Malta f’Novembru

L-aħħar ċifri dwar l-għadd ta’ turisti li żaru Malta f’Novembru li għadda juru żieda ta’ 8.3% meta mqabbel ma’ Novembru tal-2018.

Iċ-ċifri maħruġa mill-Uffiċċju Nazzjonali tal-Istatistika juru li f’Novembru ġew Malta aktar minn 191,000 turist, b’24,000 minnhom ġew Malta għan-negozju.

L-iljieli li t-turisti qattgħu f’Malta żdiedu b’9% fil-mija, u tnejn minn kull tliet turisti li żaru Malta qagħdu fil-lukandi. Skont iċ-ċifri tal-NSO, f’Novembru t-turisti nefqu f’Malta €136 miljun, 10% aktar minn Novembru tal-2018.

B’hekk fl-ewwel ħdax-il xahar tas-sena li għaddiet, ġew Malta aktar minn 2.6 miljun turist; żieda ta’ 5.3%  meta mqabbel mal-istess perjodu fl-2018.

Ras għal ras kull turist nefaq €814 tul il-btala f’Malta, tnaqqis marġinali ta’ 0.4% meta mqabbel mal-2018.

Aħbarijiet Oħra
Edukazzjoni

Kważi 8,000 student ser jattendu skolasajf din is-sena. Il-Ministru tal-Edukazzjoni Owen Bonnici wera sodisfazzjon li wara l-ħidma li saret, il-ġenituri ħassejhom siguri li jibagħtu lil uliedhom għal Skolasajf li qal…

Lokali

Il-Ministru fl-Uffiċċju tal-Prim Ministru Carmelo Abela ħabbar lis-Sur James Pearsall se jkun qed jiġi maħtur Chairperson tal-Kunsill Malti għall-Iżvilupp Ekonomiku u Soċjali (MCESD). Is-Sur Pearsall ġie nominat mill-Gvern wara konsultazzjoni sħiħa mal-imsieħba…

Lokali

L-Abbozz ta’ liġi dwar l-ugwaljanza li jinsab quddiem il-Parlament mhux jinżel tajjeb ma’ diversi entitajiet reliġjużi għaliex iħossu li dan jista’ joħnoq id-dritt għat-twemmin reliġjuż tagħhom. Fost oħrajn l-Assoċjazzjoni tal-Iskejjel…

Politika

Timothy Alden ħabbar li se jkun qed jikkontesta għall-kariga ta’ mexxej tal-Partit Demokratiku.  Il-laqgħa ġenerali annwali mistennija ssir nhar it-Tnejn li ġej. Fi stqarrija, Alden qal li Malta ilha fi…

Aktar