Lokali
Jiżdiedu l-impjiegi full time bi 11,000

Ċifri ta’ Jobsplus ippubblikati mill-Uffiċċju Nazzjonali tal-Istatistika juru li fuq medda ta’ sena sa Awwissu li għadda, il-ħaddiema b’impjieg full time f’Malta żdiedu bi ftit aktar minn 11,000, żieda ta’ 6% fuq is-sena ta’ qabel.

L-istatistika turi wkoll li kien hemm żieda ta’ 1.7% fil-ħaddiema li għandhom biss impjieg fuq bażi part time. Fl-istes perjodu minn Awwissu tal-2016 sa Awwissu li għadda l-persuni jirreġistraw għax-xoghol naqsu b’772 persuna.

L-Uffiċċju Nazzjonali tal-Istatistika qal li mil-11,000 impjieg ġdid li nħolqu f’sena, aktar minn 9,600 huma impjiegi fis-settur privat li jinkludi aktar minn 700 li bdew jaħdmu għal rashom. Il-ħaddiema mal-Gvern żdiedu b’1,400 bejn Awwissu tal-2016 u Awwissu li għadda.

Mill-istatistika tal-Jobsplus joħroġ li f’sena żdiedu b’10% għal iktar minn 26,400, il-ħaddiema li barra l-impjieg fiss għandhom xogħol ieħor part time. Mill-banda l-oħra kien hemm aktar minn 37,500 ħaddiem ieħor li għandhom biss xogħol fuq bażi part time.

Aħbarijiet Oħra
Stejjer Umani

Tfajla ta’ 24 sena bil-kundizzjoni Bi-Polar qalet li minn ħajja solitarja u dipressiva, illum qed tgħix ħajja feliċi grazzi għal mara li qed tiddedika ħajjitha għal żgħażagħ b’diżabiltà. Fiona Ellul…

Lokali

Fis-sajf li ġej, grupp ta’ ċiklisti mil-LifeCycle ser jaqdfu elfejn kilometru fi tliet pajjiżi fl-Ażja biex ikomplu jinġabru fondi għar-riċerka fuq il-mard tal-kliewi u biex tkun iffinanzjata għajnuna psikoloġika għall-pazjenti…

Kultura

Fil-Mużew Marittimu fil-Birgu se jkun hemm esebizzjoni li tiċċelebra l-legat tal-esploratur marittimu, Jacques Cousteau, u l-konnessjoni tiegħu ma’ Malta permezz tal-vapur ‘Calypso’, li wara li baħħar bi vjaġġi bejn Malta…

Sport

Kumpanija Maltija li bbenefikat mill-programm nazzjonali ta’ Riċerka u Innovazzjoni, Fusion, bdiet tipproduċi sistemi ta’ dawl LED biex jintużaw f’kumplessi sportivi. F’kollaborazzjoni ma’ SportMalta, il-kumpanija Altern bdiet tinstalla sistema ta’…

Aktar