Ambjent
Jiżdiedu s-seabins biex jinġabar l-iskart fil-baħar

Sal-aħħar tas-sena, se jitwaħħlu 18-il seabin li jiġbru l-iskart mill-baħar.

F’konferenza tal-aħbarijiet fil-Birgu, is-Segretarju Parlamentari għall-Indafa Pubblika, Deo Debattista, spjega li s’issa ġew approvati u ffinanzjati disa’ seabins, fil-Pietà, f’San Ġiljan, fil-Birgu, fl-Imsida, f’Marsaxlokk, f’Marsaskala, f’Ta’ Xbiex, fil-Kalkara u fil-Gżira.

Barra minn hekk hemm disa’ oħra li l-post għalihom għad irid jiġi determinat. Dawn is-seabins qed jiġu ffinanzjati mill-privat.

Dr Debattista spjega li d-Diviżjoni għat-Tindif u Manutenzjoni se tidħol f’arranġament biex jitbattlu s-seabins u ssir il-manutenzjoni li jkun hemm bżonn. Qal li żewġ ħaddiema se jkunu assenjati ma’ dan il-proġett.

Is-Segretarju Parlamentari għall-Gvern Lokali, Silvio Parnis, qal li l-installazzjoni ta’ dawn is-seabins tipprovdi soluzzjoni għat-tnaqqis tal-iskart mill-baħar biex tonqos il-ħsara li dan jagħmel lill-ekosistema marittima.

Aħbarijiet Oħra
Politika

Intemmet wara l-10 p.m. mingħajr ebda kumment lill-media laqgħa minn grupp ta’ madwar 16-il membru parlamentari tal-Partit Nazzjonalista. Għall-aħħar nofs tal-laqgħa attenda l-Kap tal-Partit Nazzjonalista, Adrian Delia. Ingħaqad ukoll tard…

Kultura

Maħżen tal-festa nbidel fi klassi fi proġett biex il-prattika ta’ snajja tradizzjonali li jispikkaw fil-festi Maltin tintiret u ma tmutx. Il-proġett tmexxa mill-Għaqda Mużikali Sant’ Andrija ta’ Ħal Luqa, li…

Infrastruttura

Inkonvenjent li ilu snin jurta lill-Birżebbuġin se jiġi indirizzat bi proġett li Infrastructure Malta qalet se tibda fi tmiem dan is-sajf. Il-proġett hu maħsub li jtaffi l-problema tal-għargħar, ikkawżata mill-baħar…

Lokali

Mil-lejla bdew jiġu organizzati l-pellegrinaġġi fl-okkażjoni tal-festi tal-ibliet u l-irħula li se jibqgħu għaddejjin sat-8 ta’ Diċembru meta tiġi ċċelebrata l-Kunċizzjoni f’Bormla. Illejla, tliet lokalitajiet qed jorganizzaw dawn il-pellegrinaġġi: Ħal…

Aktar