Kurżitajiet
Jiżżewġu f’dar tal-anzjani wara li kienu ilhom flimkien 54 sena

Anzjana ta’ 85 sena u anzjan ta’ 82 sena iżżewġu wara li kienu ilhom flimkien 54 sena.  Ir-raġel ilu jbati 18-il sena mill-marda tal-Parkinson u issa sab ruħu fuq siġġu tar-roti.

Italo Talluto kellu jħalli kollox, inkluż id-dar, u jmur joqgħod f’dar tal-anzjani f’Milan.  Donnu kien allerġiku għaż-żwieġ, iżda meta kellu jitbiegħed minn Maddalena Castelli spiċċa żżewwiġha fid-dar tal-anzjani.

Ritratt: Corriere della Sera

F’intervista fuq ġurnal Taljan, Maddalena qalet li dejjem kienu jkunu flimkien, jgħixu fl-istess dar, isiefru flimkien, u joħorġu flimkien mal-ħbieb tagħhom.

Irrakkontat li ried jiżżewweġ malajr, qabel ma jħalli din id-dinja minħabba l-Parkinson.

Italo xtaq jiċċelebra t-tieġ tagħhom b’festa fid-dar tal-anzjani fejn qed joqgħod, fejn fost il-mistednin kellhom bosta qraba, ħbieb, kif ukoll professjonisti u ħaddiema fid-dar tal-anzjani.

Għalkemm qattgħu ħajjithom dejjem flimkien, issa qed jgħixu separati – hu fid-dar tal-anzjani u hi fir-residenza tagħhom – iżda Maddalena tmur kuljum iżżur lil żewġha, li jixtieq jirritorna f’darhom iżda x-xewqa tiegħu ma tantx tista’ sseħħ minħabba s-sitwazzjoni li jinsab fiha!

Aħbarijiet Oħra
Barranin

Papa Franġisku ddikjara ħames qaddisin ġodda, fosthom wieħed mill-iktar personaġġi influwenti tas-seklu 19 . . . il-Kardinal John Henry Newman. Il-Kardinal Newman jibqa’ mfakkar l-iktar għall-fatt li kien Anglikan ferventi,…

Kurżitajiet

Il-Kaptan tal-cruise liner MS Braemar irnexxielu jikseb rekord ġdid hekk kif irnexxielu kważi jagħmel l-impossibbli – li jgħaddi l-bastiment minn kanal dejjaq fil-Greċja. L-MS Braema wiesgħa 22.25 metru u għadda…

Barranin

Sitta u għoxrin persuna mietu, 18 għadhom irrapportati nieqsa u aktar minn 170 ruħ indarbu fl-agħar maltempata fil-Ġappun fl-aħħar 60 sena. It-tifun Hagibis laqat Tokyo is-Sibt, b’riħ qawwi b’veloċità ta’…

Barranin

Żewġ persuni tilfu ħajjithom u 18 oħra jinsabu midruba wara li ċediet parti mil-lukanda Hard Rock, f’New Orleans. Fil-lukanda kienu qed isiru xi xogħlijiet meta ċediet parti minnha. Kawża tal-inċident,…

Aktar