Lokali
Joħorġu ‘l barra malli tibda titkellem il-President Coleiro Preca

F’Palermo, Sqallija, id-deputati reġjonali tal-Movimento Cinque Stelle (M5s) telqu ‘l barra mill-Parlament Reġjonali malli bdiet titkellem il-President ta’ Malta Marie Louise Coleiro Preca.

Il-President Coleiro Preca ġiet mistiedna mill-President tal-Ars Gianfranco Micciche.

Id-deputati tal-moviment Cinque Stelle qalu li huma ħarġu ‘l barra mill-Parlament bħala protesta kontra l-atteġġjament ta’ Malta fil-konfront tal-immigranti.

Huma komplew isostnu li l-atteġġjament ta’ Malta fil-konfront tal-bastiment Aquarius kien inaċċettabbli u d-deputati tal-M5s ma setgħux ma jirrimarkawx dwaru quddiem il-President ta’ Malta fil-Parlament Sqalli.

B’kollox kienu 20 deputati, kollha tal-M5s, li ħarġu ‘l barra.

F’Palermo, il-President tinsab akkumpanjata mid-Deputat Prim Ministru u Ministru għas-Saħħa Chris Fearne. Huma żaru fost l-oħrajn iċ-ċentru tat-trapjanti ISMETT, bil-President trodd ħajr lill-istaff għall-kura medika li jagħtu lill-Maltin li jmorru għal kura medika speċjalizzata.

Il-President attendiet għall-iffirmar ta’ ftehim fil-prinċipju għall-għoti ta’ servizzi fl-oqsma tat-trapjanti u t-terapija avvanzata.

 

Aħbarijiet Oħra
Qorti

Raġel ta’ 32 sena kien ikkundannat sentenza sospiża wara li nstab ħati li kien qed jisraq id-dawl minn substation tal-kumpanija GO f’Wied Rini, il-Baħrija. Il-Qorti semgħet kif l-akkużat, Edward Dominic…

Kurżitajiet

Il-Prim Ministru Joseph Muscat illum jagħlaq 45 sena.  Jidher li għal Dr Muscat kienet ġurnata normali ta’ xogħol, iżda li matulha xorta ċċelebra għeluq sninu. Ritratt li ttella’ mid-Deputat Prim…

Mużika

Ersaq fil-Qrib hija s-single il-ġdida tal-grupp Malti stabbilit The Travellers, b’filmat mużikali li juri familja tipprova tgħix minn jum għall-ieħor filwaqt li madwarha għaddej kunflitt. B’lirika tipikament bil-Malti, din id-diska…

Aktar