Kurżitajiet
Jonfoq ġidu għat-tfal fil-bżonn

L-istilla tat-tim Franċiż, Kylian Mbappé, se jkun qed jagħti l-istipendju kollu tiegħu li kiseb mit-Tazza tad-Dinja 2018 lit-tfal fil-bżonn.

Mbappé, li għad għandu biss 19-il sena, saħħar lil kull min segwa l-futbol f’dawn l-aħħar jiem bil-prestazzjoni tiegħu.

Il-plejer b’għeruq Afrikani qala’ mal-£17,000 għal kull logħba li lagħab b’bonus ta’ £265,000 oħra talli rebbaħ lil Franza t-titlu taċ-Champions tad-Dinja.

Skont L’Eqipe, il-flejjes kollha li qala’ Mbappé se jmorru b’risq l-Assoċjazzjoni Premiers de Cordée li toffri opportunitajiet sportivi għat-tfal li qed jieħdu xi kura fl-isptarijiet kif ukoll lil dawk b’diżabbiltà.

Sebastien Ruffin, li jmexxi l-Assoċjazzjoni, qal li kull ċans li jsib Mbappé dejjem iżur lit-tfal u qal li huwa maħbub ħafna għaliex jaf kif għandu jmur magħhom.

It-talent u l-ġenerożità ta’ Mbappé saħansitra ġibdet l-attenzjoni tal-leġġenda tal-futbol Brażiljan Pelé. Mbappé, wara Pelé, huwa t-tieni l-iżgħar plejer li qatt ħa sehem u skurja fit-Tazza tad-Dinja.

 

Aħbarijiet Oħra
Kurżitajiet

L-ex direttur sportiv tal-klabb tal-futbol Taljan ta’ Juventus Luciano Moggi huwa eleġibbli li jivvota fl-elezzjoni tal-Kunsilli Lokali li se ssir Malta. Moggi li għal dawn l-aħħar snin kien qed iżur…

Kurżitajiet

L-istilla ta’ Juventus u t-tim nazzjonali tal-Portugall Cristiano Ronaldo approfitta mir-rebħ tal-kampjonat mit-tim tiegħu u għall-Għid mar jiċċelebra mas-sieħba tiegħu Georgina fil-Kroazja. Waqt btala ta’ tliet ijiem f’Dubrovnik, spikka l-lussu…

Saħħa

Mara li sofriet minn ġrieħi serji f’moħħha wara li kienet involuta f’inċident ikrah tat-traffiku fl-Emirati Għarab Magħquda qamet minn koma li kienet fiha għal kważi 3 diċenji. Munira Abdulla kienet…

Kurżitajiet

Il-President tal-Liberja u eks plejer tal-football Afrikan, George Weah spiċċa jaħdem mid-dar hekk kif l-uffiċċju tiegħu spiċċa b’infestazzjoni ta’ sriep. Il-President flimkien ma’ ħaddiema oħrajn intalbu ma jersqux lejn il-ministeru…

Aktar