Enerġija
Joqrob lejn tmiemu l-bini tat-turbini tal-Enemalta fil-Montenegro

Qed joqrob lejn tmiemu l-proġett tat-turbini fil-Montenegro, li huwa l-ewwel proġett ta’ energija nadifa li sar bi sħab mill-Enemalta flimkien max-Shangai Electric Power u l-kumpanija Cinizia Envision. Waqt żjara fil-Montenegro, il-Ministru tal-Enerġija Joe Mizzi kellu taħditiet mal-Ministru tal-Enerġija tal-Montenegro waqt li segwa x-xogħlijiet li għaddejjin, biex sal-aħħar tas-sena t-turbini tar-riħ ikunu mqabbda mal-grid tal-enerġija tal-Montenegro.

Mifruxa fuq medda ta’ tmien kilometri fuq il-muntanji tal-Montenegro, 23 turbina tar-riħ li nbnew mill-kumpanija Ċiniża, Envision Energy, b’kuntratt mal-Enemalta u x-Shangai Electric Power qegħdin jiġu kkummissjonati biex kmieni s-sena d-dieħla jibdew jipprovdu l-enerġija fil-grid nazzjonali tal-Montenegro. Il-proġett, li beda sena ilu, issa kważi tlesta u fi ftit ġimgħat oħra, it-turbini tar-riħ se jkunu qed jipproduċu 46 megawatt ta’ energija nadifa.

Waqt żjara fuq il-post, il-Ministru Joe Mizzi, iddeskriva dal-proġett bħala turija tal-impenn tal-Gvern Malti fil-qasam tal-enerġija/ Żied jgħid li dan il-proġett serva ta’ opportunità lill-Enemalta biex tinvesti f’enerġija nadifa u biex fl-istess ħin, tkompli tirrendi aktar fondi permezz ta’ dan l-investiment.

“Huwa ċar illi t-timeframe li tajna nżamm u tista’ tgħid li qiegħed on-target. Issa li jonqos hu li jibda l-proċess tekniku biex jiġi kkummissjonat biex imbagħad niftħuh b’mod uffiċjali,” spjega l-Ministru Mizzi.

Hu qal li jinsab sodisfatt dwar il-mod ta’ kif tmexxa dan il-proġett u fil-fatt, fil-ġranet li ġejjin se tiġi deċiża d-data tal-ftuħ uffiċjali.

Matul iż-żjara fil-Montenegro, il-Ministru Mizzi kellu laqgħa mal-Ministru għall-Ekonomija Dragica Sekulic li stqarret li l-poplu ta’ Montenegro huwa ħerqan biex jara dan il-proġett jiffunzjona għax se jikkontribwixxi biex jitnaqqsu l-emissjonijiet.

Aħbarijiet Oħra
Kisbiet

Iċ-Chairman tal-Public Broadcasting Services Limited, Cavaliere Dr Tonio Portughese ppreżenta d-DVDs tal-kunċert mill-Banda La Valette “La Sollevazione di Cristo” u l-intervista mal-Mro Joseph Sammut lill-President Jonathan Grima kif ukoll lis-Sindku…

Droga

16-il persuna, fosthom żewġ nisa, fl-etajiet ta’ bejn l-20 u l-55 sena, temmew programm ta’ rijabilitazzjoni mill-użu tad-droga u ħadu sehem f’ċerimonja ta’ gradwazzjoni li ċċelebrat is-suċċess tagħhom. Iċ-ċerimonja bit-tema…

Lokali

Il-Fondazzjoni Foodbank Lifeline tal-Knisja Metodista f’Malta qed tkompli tifrex il-ħidma tagħha bit-tqassim ta’ ikel lil familji fil-bżonn. Il-Fondazzjoni qalet li sal-aħħar tas-sena mistennija tgħin aktar minn 16,000 persuna bi spiża…

Kronaka

Ġuvni u tfajla weġġgħu gravi wara li tard lbieraħ kienu involuri f’inċident bil-karozza. Il-Pulizija kienet infurmata bil-każ fi Triq id-Daħla ta’ San Tumas f’Marsaskala għall-ħabta tal-11.00pm. Mill-ewwel stħarriġ tal-Pulizija tad-Distrett…

Aktar