Lokali
Juncker mhux sorpriż bl-eżitu tal-inkjesta dwar Egrant – ħerqan li jkompli jaħdem mal-PM Muscat

Il-President tal-Kummissjoni Ewropea Jean-Claude Juncker esprima ruħu li mhux sorpriż bl-eżitu tal-inkjesta li għamel il-Maġistrat Aaron Bugeja dwar il-kumpanija Egrant.

Mitlub minn TVM għar-reazzjoni tiegħu wara r-riżultat tal-inkjesta tal-Maġistrat Bugeja li eżonorat lill-Prim Ministru Joseph Muscat u l-familja tiegħu milli l-kumpanija Egrant kienet tiegħu, kelliema għal Juncker wieġbet li l-President tal-Kummissjoni Ewropea huwa anzjuż li jibqa’ jikkopera mal-ħabib tiegħu l-Prim Ministru Muscat.

Minbarra l-President tal-Kummissjoni Ewropea, anke l-President tal-Partit tas-Soċjalisti Ewropej (PES) laqa’ l-konklużjonijiet tal-inkjesta u esprima sodisfazzjon li l-Prim Ministru Muscat ġie eżonorat mill-allegazzjonijiet li saru fil-konfront tiegħu.

Ara wkoll:

Il-Partit Soċjalista Ewropew ixxukkjat bil-falsifikazzjoni tad-dokumenti dwar Egrant