Kronaka
AĠĠORNAT: Identifikata l-mara li ttellgħat mejta minn Għar Lapsi

Il-Pulizija qed tinvestiga s-sejba ta’ katavru ta’ Maltija ta’ 51 sena li ntlemaħ fil-baħar fl-inħawi ta’ Għar Lapsi limiti tas-Siġġiewi.

Kien għal ħabta tat-tliet u nofs ta’ waranofsinhar meta l-Pulizija tad-Distrett marru fuq il-post u ftit wara l-katavru ttella’ l-art b’ħelikopter tal-Forzi Armati. Il-katavru tniżżel qrib l-impjant tar-Reverse Osmosis u minn hemm ittieħed lejn il-kamra mortwarja f’Mater Dei ghall-ewwel ezamijiet forensici qabel issir l-awtopsja.

Fi stqarrija, il-Pulizija qalu li l-katavru ġie identifikat li huwa ta’ mara residenti il-Gżira. TVM hu infurmat li mill-ezamijiet forensiċi li saru fuq il-katavru tal-mara, li fl-aħħar jiem kienet irrapurtata nieqsa, ma kienx hemm sinjali ta’ vjolenza.

L-investigazzjonijiet tal-Pulizija huma mmexxija mill-Ispettur Kylie Borg, filwaqt li l-espert Mario Xerri qed jassisti fl-inkjesta li ġiet appuntata.

Il-Maġistrat tal-Għassa Joe Mifsud qed imexxi inkjesta bl-għajnuna ta’ diversi esperti.

Aħbarijiet Oħra
Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Mużika

Il-grupp mużikali Meadow Strings ħareġ kanzunetta ġdida Alive. Meadow Strings huwa kompost minn Magdalene Farrugia u Mario Camileri. Fil-kanzunetta tagħhom, Alive huma japprezzaw is-sbuħija u l-importanza tal-ambjent. Miġbud qal is-siġar tal-Buskett…

Kronaka

Raġel ta’ 60 sena ndarab gravi wara li laqtitu l-karozza malli niżel minnha. L-inċident seħħ għall-ħabta tat-7.45am fi Triq ix-Xatt, il-Kalkara. Il-Pulizija tad-Distrett marru minnufih fuq il-post fejn minn stħarriġ…

Aktar