COVID-19
Każ ġdid ta’ Coronavirus f’Malta – imfejqa 8 oħra

Spanjol ta’ 34 sena huwa l-unika persuna li nstabet pożittiva minn 1,006 testijiet li saru lbieraħ. Dan qalitu s-Supretendent tas-Saħħa Charmaine Gauci waqt konferenza tal-aħbarijiet.

Fuq nota pożittiva, Prof Gauci ħabbret li fiequ tmien persuni oħra. B’hekk s’issa fiequ 427 persuna minn 490 persuna li kienu pożittivi. Dan ifisser li bħalissa hawn 58 persuna morda bil-Covid-19.  L-età ta’ dawk li fiequ tvarja bejn 20 u 59 sena.

Prof Gauci qalet li bħalissa hemm 7 persuni l-isptarijeit, 4 fl-Isptar Boffa, tnejn fl-Isptar San Tumas, u pazjent f’Mater Dei.