Lokali
Każ ġdid ta’ Coronavirus f’Malta, ifiqu 19-il persuna oħra

Ikkonfermat każ ġdid ta’ Coronavirus f’Malta bin-numru totali ta’ każijiet attivi s’issa hemm 306.

Waqt konferenza stampa dwar is-sitwazzjoni attwali f’pajjiżna fl-isfond tal-Covid-19, is-Supretendent għas-Saħħa Pubblika Charmaine Gauci qalet li 19 il-persuna oħra fiequ mill-virus. Madanakollu dawn se jibqgħu fi kwarantina. B’kollox 118-il persuna fiequ mill-virus. B’hekk f’Malta fadal 306 każijiet attivi.

Spjegat li l-età tad-19-il persun li fiequ tvarja bejn 20 u 80 sena, b’waħda minnhom kienet rikoverata fl-Isptar Ġenerali t’Għawdex. Prof Gauci qalet li 14 minnhom irġiel.

Kompliet tgħid li saru 787 swab tests ilbieraħ u minnhom ħarġet mara Serbjana ta’ 29 sena pożittiva għall-virus. B’kollox sal-lum saru 24,022 swab tests.

Dwar il-pazjenti fl-ITU, Prof Gauci fakkret li għad hemm 2 pazjenti li t-tnejn li huma stabbli.

Dwar iċ-ċentru l-miftuħ ta’ Ħal Far, Prof Gauci qalet li saru 20 test li lkoll irriżultaw negattiv.

Hija fakkret sabiex il-poplu jibqa’ attent u jimxi mad-direttivi tal-awtoritajiet tas-saħħa u jibqa’ ġewwa.

https://www.facebook.com/TelevisionMalta/videos/537338806971059/