COVID-19
Każ ġdid ta’ Covid-19 f’Malta, persuna oħra mfejqa

Fl-aħħar 24 siegħa ħareġ każ ġdid ta’ Covid-19 f’Malta, wara li saru 930 swab test.

Dan huwa każ impurtat, hekk kif il-persuna infettata hija barranija li ġiet f’Malta b’titjira ta’ ripatrijazzjoni.

Dan ġie kkonfermat mill-Ministeru għas-Saħħa, fejn intqal ukoll li fl-aħħar 24 siegħa kien hemm persuna oħra li fieqet minn dan il-virus.

Każijiet li għadhom attivi hemm 11, hekk kif 653 fiequ u 9 tilfu ħajjithom.