Lokali
Keith Schembri interrogat dalgħodu – itteħditlu stqarrija

Dalgħodu l-pulizija reġgħet bagħtet għall-eks chief of staff tal-Prim Ministru, Keith Schembri. Television Malta jinsab infurmat li dalgħodu l-Pulizija mit-Taqsima tar-Reati Ekonomiċi reġgħet interrogat lis-Sur Schembri u tteħditlu wkoll stqarrija. Ilbieraħ, il-pulizija kienet diġà bagħtet għal Keith Schembri biex tinterrogah dwar l-allegat sehem tiegħu fil-każ tal-impjieg finta ta’ Melvin Theuma – l-allegat intermedjarju fil-qtil tal-ġurnalista Daphne Caruana Galizia.

L-eks chief of staff tal-Prim Ministru Keith Schembri, kien fost il-persuni li l-Pulizija kellmet fl-aħħar sigħat bħala parti mill-investigazzjoni. Sorsi li tkellmu ma’ Television Malta qalu li l-ufficjali mitkellma mill-pulizija, implikaw lil Keith Schembri li għamel pressjoni biex Melvin Theuma jingħata impjieg.

Il-pulizija fetħet investigazzjoni immexxija mill-Ispettur Nikolas Vella, dwar miżappropazzjoni wara li Theuma żvela fix-xhieda tiegħu fil-Qorti li kien ingħata impjieg mal-Gvern fl-2017 u kien qed jithallas mingħajr qatt ma mar għax-xogħol. Jirrizulta li l-impjieg tiegħu ġie terminat wara erba’ xhur.

Aħbarijiet Oħra
COVID-19

Minn 1,839 swab tests li saru fl-aħħar 24 siegħa ħarġu 20 każ ġdid u fiequ 2 pazjenti. B’hekk issa hawn 249 każ attiv. Minn meta bdiet l-imxija f’Malta kien hawn…

Lokali

Il-Ministru għall-Akkomodazzjoni Soċjali Roderick Galdes nieda l-viżjoni tal-ewwel Sistema Nazzjonali tal-Housing f’Malta. Aktar minn 50 stakeholder nġabru madwar il-mejda għat-tfassil tal-ewwel sistema ta’ housing f’Malta. Il-Ministru Galdes qal li d-deċiżjoni…

Aktar