Qorti
Keith Schembri rtira kawżi ta’ libell fil-konfront ta’ Daphne Caruana Galizia

L-eks Chief of Staff Keith Schembri rtira żewġ kawżi ta’ libell li kien fetaħ kontra Daphne Caruana Galizia. Dan intqal waqt seduta tal-lum li matulha kellhom jinstemgħu l-kawżi mill-Maġistrat Victor Axiaq.

Il-kawżi kienu marbuta ma’ żewġ artikli dwar il-kumpanija Egrant ppubblikati mis-Sinjura Caruana Galizia, fejn allegat li s-Sur Schembri kien irċieva flejjes mingħand persuni qrib politiċi tal-Ażerbajġan.

Intant, erba’ kawżi ta’ libell miftuħa mill-Prim Ministru Joseph Muscat kontra s-Sinjura Caruana Galizia, Matthew Caruana Galizia, Karl Gouder u Mario Frendo ġew aġġornati għal Marzu. Fil-Qorti ntqal li l-posponiment intalab fid-dawl tas-sitwazzjoni preżenti.

Aħbarijiet Oħra

Fil-jum marittimu dinji bit-tema, ‘Tbaħħir Sostenibbli għal Dinja Sostenibbli’, il-Ministru fl-uffiċċju tal-Prim Ministru Carmelo Abela qal li s-sostennibiltà tas-settur marrittimu hija essenzjali aktar u aktar fi żmien tal-pandemija, li wriet…

Mir-rapport annwali Ewropew dwar l-Użu tad-Droga jirriżulta li f’Malta qed ikompli jiżdied l-abbuż mill-kokaina, filwaqt li naqas l-użu tal-eroina. Ir-Rapport ikkonferma wkoll dak li aġenziji f’Malta bħal Sedqa kellhom indikazzjoni…

Minn għada se tibda tasal it-tilqima tal-influwenza u se tkun qed tingħata b’xejn lil kulħadd fl-irħula u bliet Maltin u Għawdxin minn Ottubru li ġej. Dan qalu d-Deputat Prim Ministru…

L-aġenzija Servizz.gov se jkollha kwartieri ġodda fil-Mosta, li se jiġu nawgurati fil-jiem li ġejjin. Waqt żjara li għamel fil-kwartieri l-ġodda, s-Segretarju Permanenti Ewlieni, Mario Cutajar, qal li f’ħames snin din…

Aktar