Annimali
Kelb imħarreġ biex ixomm il-livell taz-zokkor tal-bniedem

Il-kelb ħafna jqisuh bħala wieħed mill-akbar ħabib li wieħed jista’ jkollu. Kelb jaf iżommlok kumpanija u jibqa’ leali lejk jiġri x’jiġri. Imma l-ħila tal-kelb ma tieqafx hemm.

Nisimgħu ħafna bil-kapaċità tal-klieb fosthom dawk tal-Pulizija. Biss ix-xamm tal-klieb huwa bla limitu u mhux biss kapaċi jxommu jekk hemmx xi drogi jew vittmi qalb xi terrapin.

Service Dogs Malta Foundation tellgħet fuq il-mezzi soċjali ritratt ta’ Tim, kelb li kapaċi jxomm il-livell taz-zokkor fil-bniedem. Dawk il-klieb, li qed jissejħu bħala Diabetic Alert Dogs, huma mħarrġa sabiex jxommu meta l-livell taz-zokkor ikun baxx.

Diversi persuni, b’mod partikolari t-tfal, ma jirrikonoxxux meta l-livell taz-zokkor jitbaxxa jew jogħla. Uħud ma jħossux is-sintomi ta’ meta l-livell jinżel jew jogħla b’mod drastiku u dan jista’ jwassal għall-konsegwenzi agħar fosthom li wieħed jaqa’ f’koma.

Dawn il-klieb huma mħarrġa biex ixommu l-livell taz-zokkor u għalhekk wieħed jista’ jilħaq jieħu prekawzzjoni qabel ma jkun tard.

Dan ma jfissirx li wieħed m’għandux jiċċekkja mat-tabib b’mod regolari l-livell taz-zokkor. Jekk wieħed jixtieq japplika għas-servizz ta’ dawn il-klieb jew irid aktar dettalji jista’ jidħol fis-sit ta’ Service Dogs Malta.

Ara wkoll:

Klieb joffru assistenza għal tfal bl-awtiżmu u persuni dijabetiċi

 

 

 

Aħbarijiet Oħra
Festi

Fid-dawl tal-każ tal-Kappillan Deo Debono li qed jiġi implikat fis-serqa ta’ arti sagra, is-sagristan tal-parroċċa kkonferma ma’ TVM li l-festi esterni ta’ Santu Wistin fil-Belt Valletta tħassru. Ikkuntattjat minn TVM,…

Politika

Il-Kap tal-Partit Nazzjonalista Adrian Delia jemmen li l-Ewroparalamentari Nazzjonalisti ser jimxu mad-direzzjoni tal-partit u jivvutaw favur in-nomina ta’ Helena Dalli bħala Kummissarju Ewropew fl-aqwa interess tal-pajjiż. Intervistat ilbieraħ filgħaxija fid-Dar…

Lokali

Is-Segretarju Parlamentari Julia Farrugia Portelli tistqarr li jkun żball jekk il-kannabis tiġi ppreżentata bħala sustanza li tista’ tintuża għal skop rikreattiv. Waqt il-programm Ras imb ras hija spjegat x’se jagħmel…

Aktar