Annimali
Kelb jista’ jkun aggressiv għax ma jkunx jaqbel ma’ sidu – trainer

Minkejja li qabel kien hawn xi razez ta’ klieb projbiti milli jitrabbew mill-Maltin, illum il-ġurnata m’hawn ebda razza illegali, inkluż klieb li huma kbar u meqjusa bħala feroċi.

It-trainer tal-klieb Robert Spiteri spjega f’TVAM li ra iktar minn 1,500 każ ta’ klieb b’imġieba aggressiva u qal li ‘l fuq minn 90% minnhom ġej min-nuqqas ta’ informazzjoni li għandhom is-sidien ta’ ċerti razez ta’ klieb.

Filwaqt li semma’ wħud mir-responsabilitajiet tas-sidien biex iħarrġu lill-kelb, jagħmel l-eżerċizzju, jagħtuh ikel u xorb adattat, jissoċjalizzawh, u jkun dixxiplinat, it-trainer qal li mhux kulħadd kapaċi jrabbi kull razza, tant li sostna li jista’ jkun li l-kelb ma jaqbilx ma’ sidu.

Fisser li jekk is-sid iċedi kollox lill-kelb, allura l-kelb jibda jagħmel li jrid u għalhekk is-sid jitlef il-kontroll tiegħu.  Saħaq fuq l-importanza li sa 6 xhur is-sidien għandhom iderru l-kelb ma’ ambjenti differenti li se jkun qed jgħix fihom, kemm fid-dar kif ukoll barra.

Robert Spiteri qal li l-ħolma tiegħu hija li jkun hawn breed tests li l-klieb jagħmluhom ma’ sidhom għax jista’ jkollok service dogs li mat-trainer jimxi tajjeb imma ma’ sidu ma jħossux komdu.

It-trainer spjega fid-dettall dwar dan dalgħodu f’intervista li parti minnha tista’ taraha hawnhekk.

 

Aħbarijiet Oħra
Lokali

Għandha 19-il sena u ma’ TVM irrakkuntat it-trawma kbira li għaddiet minnha minħabba dak li sejħet estremiżmu fit-twemmin ta’ komunità Nisranija. Amy Attard tirrakkonta kif minħabba hekk qed jitkissru għadd…

Riċerka

Il-lenti tal-kamera provdiet għodda lill-fotografi matul is-snin, biex bir-ritratti tagħhom iħallu xhieda tal-passaġġ tal-istorja. Il-fotografu professjonali Kevin Casha ġabar riċerka fuq kważi mitejn sena ta’ fotografija f’pubblikazzjoni li fiha ritratti…

Ippjanar u bini

Proġett li jekk ikun approvat mistenni jbiddel il-kunċett tat-trasport u l-presenza tal-vetturi fit-toroq. Studju dwar il-possibbiltà ta’ proġett ta’ Metro jew Monorail mistenni jkun ippublikat dalwaqt bil-Prim Ministru Robert Abela…

Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Aktar