Barranin
Kelb jew qattus jista’ jixrob l-alkoħol bħal sidu

Wara l-ġelati u l-ħelu għall-klieb u l-qtates, issa waslu l-birra u l-inbid adattati għal sħabna ta’ erba’ saqajn.

Dan ix-xorb mhuwiex alkoħoliku għax huwa magħmul minn infużjoni ta’ ħwawar imħalltin man-nutrijenti u l-vitamini.  Il-fliexken huma l-istess bħal tal-birra u l-inbid tal-bnedmin, biex b’hekk il-klieb u l-qtates ikunu jistgħu jixorbu bħal sidhom.

Kienet idea ta’ kumpanija Ingliża li hija bbażata f’Cambridgeshire.  Il-birra mhix alkoħolika u fiha x-xarba famuża Ingliża Dandelion and Burdock biex ittejjeb il-palat tagħha.

Il-prosecco, li huwa tip ta’ inbid, huwa immirat iktar għall-qtates.  Jixbaħ lill-inbid, tant li ħareġ kemm abjad kif ukoll rose’, u jrid jinxtorob kiesaħ biex jiffriskahom.

Min jaf kemm se jkunu ta’ suċċess mal-klieb u l-qtates dawn ix-xarbiet friski għas-sajf, l-istess bħalma jagħmlu s-sidien tagħhom f’dan l-istaġun sħun!

Aħbarijiet Oħra
Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Barranin

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000. L-arrestat huwa John Martin Hill ta’ 35 sena, bil-mara tgħid li kienet iltaqgħet…

Aktar