Saħħa
Kemm għandha żmien qalbek?

Kont taf li qalbek mhux bilfors għandha żmien daqskemm għandek età?

Is-Servizz tas-Saħħa Pubblika tal-Ingilterra qed iħeġġeġ lil persuni ta’ aktar minn 30 sena biex jagħmlu test onlajn biex isiru jafu l-età tal-qalb tagħhom. Dan jista’ jgħinhom biex jaraw jekk humiex f’riskju li jagħtihom attakk tal-qalb jew puplesija.

Ġie spjegat li erba’ każijiet minn kull ħamsa tal-attakki tal-qalb u l-puplesiji fost dawk li jkollhom anqas minn 75 sena jistgħu jiġu evitati. Biss jekk wieħed ipejjep, jiekol addoċċ u ma jagħmilx eżerċizzju jkun qed jistieden l-inkwiet.

78% ta’ dawk li għamlu t-test sabu li għandhom qalbhom ixjeħ minnhom u għalhekk dan qed iwassalhom li jitilfu ħajjithom qabel iż-żmien.

Għalhekk is-Servizz tas-Saħħa Pubblika tal-Ingilterra qed iħeġġeġ biex wieħed jagħmel it-test, li għalkemm mhux se jgħidlek jekk hux se jkollok attakk tal-qalb, jista’ jagħtik pariri fosthom biex tibdel l-istil ta’ ħajja li qed tgħix.

Dan it-test jista’ jagħmlu kull min għandu aktar minn 30 sena, dawk li huma iżgħar jistgħu jagħmlu dan l-istħarriġ biex jagħtik suġġerimenti dwar l-istil ta’ ħajtek.

Fl-aħħar nett dawn huma pariri kien tista’ ssaħħaħ saħħet qalbek: ieqaf pejjep, għamel l-eżerċizzju, ikkontrolla l-piż tiegħek, kul aktar fibre u ħut, ixrob anqas alkoħol u naqqas sew il-melħ.

Aħbarijiet Oħra
Barranin

Jgħidu li bil-flus tagħmel triq fil-baħar. Miljunarju Ġappuniż ta tifsira ġdida lil din l-espressjoni, għax it-triq li fetaħ twassal saħansitra sa fuq il-qamar. Yusaku Maezawa huwa l-bniedem li xtara l-biljetti…

Barranin

Iċ-Champion Ewropew tal-golf, Celia Barquín Arozamena, ġiet maqtula fl-Istati Uniti. Arozamena, Spanjola ta’ 22 sena, kienet qed tistudja f’Iowa State University, u keinet għadha kemm rebħet il-European Ladies’ Amateur championship…

Saħħa

Il-Bank tad-Demm dalogħdu ħareġ sejħa għall-għoti ta’ demm O positive. Minkejja s-sejħa, il-Bank tad-Demm qal li l-konkorrenza ma kinitx waħda adegwata għall-bżonn kbir li hawn bħalissa. Il-Bank tad-Demm qed jitlob…

Kurżitajiet

F’Bristol, qattus irritorna lura d-dar b’borża tal-plastik mimlija droga. Il-qattus, wara lejl jiġri barra, reġa’ rritorna lura għand sidu li sabu rieqed fuq borża tal-plastik li kienet mimlija droga. Il-borża…

Aktar