Kurżitajiet
Kemm tqatta’ ħin imfattar bilqiegħda?

L-eżerċizzju fiżiku li jsaħħaħ il-muskoli huwa rakkomandat għall-adulti biex jibqgħu attivi tul ħajjithom kollha.

Dan qed jirrakkomandawh it-tobba ewlenin tar-Renju Unit għaliex l-istatistika turi biċ-ċar li min jibqa’ attiv għandu inqas riskju li jbati mill-obeżità, dijabete, mard tal-qalb u d-dipressjoni.

Barra minn hekk, l-istatistika turi li min jibqa’ attiv anke fl-anzjanità jnaqqas ir-riskju li jaqa’ u jweġġa’.

Li wieħed jibqa’ attiv u jagħmel l-eżerċizzju huwa importanti għas-saħħa biex inaqqas mid-diġenerazzjoni tal-muskoli u l-għadam.

Għall-adulti bejn id-19 u l-64 sena, huwa rakkomandat eżerċizzju ta’ kuljum b’eżerċizzji imqar darbtejn f’ġimgħa biex jissaħħu aktar il-muskoli tal-ġisem. Filwaqt li l-ħin ta’ inattività, bħal pereżempju min iqatta’ ħafna ħin bilqiegħda, m’għandux ikun għal perjodi twal.

Għal dawk ‘il fuq minn 65 sena, huwa rakkomandat eżerċizzju fiżiku bħal mixi, Thai Chi jew żfin u kemm jista’ jkun ma jqattgħux wisq ħin inattivi.

In-nisa tqal għandhom jagħmlu madwar 150 minuta eżerċizzju moderat u ftit intensiv fil-ġimgħa. Biss però mhux rakkomandat eżerċizzju fiżiku iebes ħafna jekk dawn qatt ma kienu jagħmlu dan it-tip ta’ eżerċizzju qabel. Wara t-tqala, in-nisa għandhom jikkonċentraw fuq  madwar 150 minuta attività fiżika fil-ġimgħa fejn jaraw li jsaħħu l-muskoli.

Aħbarijiet Oħra
Barranin

Wara 48 siegħa jgħixu mumenti mill-aktar drammatiċi, ir-residenti u s-sidien tan-negozji f’Venezja ħadu ftit tan-nifs hekk kif stenbħu f’temp bnazzi u bil-livell tal-ilma inqas mir-rekord ta’ kważi żewġ metri fis-sigħat…

Barranin

Minn tal-inqas 5 persuni ndarbu fi sparaturi li seħħew fi skola f’Kalifornja. L-isparaturi seħħew f’Saugus High School f’Santa Clarita ftit minuti qabel bdew il-lezzjonijiet. Is-suspettat huwa ġuvni Ażjatiku ta’ 15-il…

Televiżjoni u Radju

Ħafna minna kbirna miegħu. Żgur li niftakruh għaddej b’xi battibekk man-nanna Katrin, Ruth jew Jason, fost l-oħrajn. Min jitbaqbaq l-iżjed. Tal-ġlekk u l-ingravata. Hekk baqgħu jsibuh lil Kevin Spiteri, wieħed…

Aktar