Kultura
Kerċem bi Rxoxt mekkanizzat u logħob tan-nar għal Ħadd il-Għid

Il-Ġimgħa Imqaddsa tilħaq il-qofol tagħha bil-qawmien ta’ Ġesù Kristu mill-mewt. F’ħafna lokalitajiet fejn ma toħroġx l-istatwa ta’ Kristu Rxoxt, issir il-funzjoni ta’ Ħadd il-Għid bħas-soltu, iżda għall-komunità ta’ Kerċem, raħal żgħir f’Għawdex, Ħadd il-Għid filgħodu din is-sena se jkollu tifsira speċjali u bi spettaklu mhux tas-soltu.

Sibna lil Joseph Grech, mhedi jaħdem fuq kunċett ġdid tal-Irxoxt fir-raħal ta’ Kerċem. Irxoxt mekkanizzat akkumpanjat bil-logħob tan-nar. Dan ir-raħal ċkejken b’popolazzjoni ta’ 1,600 ruħ, huwa magħruf għall-istrutturi li joħloq bil-logħob tan-nar fil-festa tal-Madonna tas-Sokkors, iżda din ta’ Ħadd il-Għid se tkun ġdida, u kif qalilna Jonathan Mercieca, jittamaw li titkompla fis-snin li ġejjin.

Jonathan Mercieca qal “għandna dan il-qabar hawnhekk li meta jinfetaħ jitla’ l-Irxoxt mekkanizzat b’diversi anġli telgħin miegħu”.

Jista’ jissejjaħ spettaklu, kif jafu jagħmlu l-Għaqda tan-Nar ta’ Kerċem, bl-għajnuna tal-Ministeru għal Għawdex, permezz ta’ fondi minn skema immirata lejn l-għaqdiet mhux governattivi. Ix-xogħol beda f’Diċembru li għadda.

Jonathan Mercieca qal “ilna għaddejjin mix-xhur xitwin ta’ Diċembru, bdejna naħsbu fuq din l-affari, imma fl-aħħar wasalna u se ntellgħuh il-Ħadd li ġej”.

Dan ma kienx xogħol faċli imma meta t-talent ixammar il-kmiem u jiltaqa’ mad-determinazzjoni, il-Kerċmin jafu iqumu għall-okkażjoni.

Jonathan Mercieca qal “l-iktar biex tagħmel kollox mekkanizzat. Tagħmel l-anġli jitħarrku, l-Irxoxt jitħarrek u li tagħmel kollox jiċċaqlaq. Hemm ħafna ħsibijiet fih din l-affari. Hemm ħafna uġigħ ta’ ras biex toħroġ dawn l-effetti kollha.”

L-Irxoxt f’Kerċem se joħroġ fl-10 tal-Ħadd filgħodu.

Aħbarijiet Oħra
Annimali

Fis-Siġġiewi, instabu 8 żoni fejn kien qed isir l-insib illegalment. Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa…

Ambjent

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil. Dalgħodu TVM żar il-post u seta’ josserva l-kumplament tat-tneħħija…

Pulizija

Għall-ewwel darba sal-aħħar ta’ din is-sena, il-Korp tal-pulizija ser ikollu flotta ta’ vetturi ġodda fid-distretti. Il-Korp, illum inawgura ħamsin vettura ġdida u sitt segways li se jintużaw l-aktar fiż-żoni pedonali…

Aktar