Barranin
Kieku jkollok bżonn trapjant taċċetta organu ta’ ħanżir?

Fil-futur qarib, il-bniedem jaf jibda jirċievi trapjanti mill-ħnieżer.

Dan wara li riċerkaturi fil-Ġermanja, l-Iżvizzera u l-Iżvezja b’suċċess irnexxielhom jgħajxu numru ta’ xadini li sarilhom trapjant tal-qalb – bid-donatur ikun annimal ta’ speċi differenti – il-ħanżir.

Ix-xadini li sarilhom it-trapjant kienu l-Anubis baboons u dawn irnexxielhom jgħixu għal sitt xhur wara l-intervent.

Dawn it-trapjanti kienu ta’ suċċess wara li l-ħnieżer ġew immodifikati biex jibdew jipproduċu żewġ proteini bħalma jipproduċi l-bniedem li jiblukkaw rispons immunitarju f’ċelloli ‘aljeni’. Dawn ġew immodifikati wkoll biex jibdew jipproduċu l-kimika thrombomodulin, li tipprevjeni d-demm milli jgħaqad wara l-operazzjonijiet.

Ir-riċerkaturi jemmnu wkoll li xogħolhom kien ta’ suċċess għaliex il-qlub tal-ħnieżer inżammu wkoll f’temperatura ta’ 8C flok f’temperaturi aktar baxxi.

Fl-esperiment, ix-xadini ngħataw xi mediċini biex iwaqqfu l-qlub milli jikbru aktar filwaqt li l-pressjoni tad-demm inżammet baxxxa biex tkun simili għal dik tal-ħnieżer.

It-trapjant ta’ organu bejn żewġ speċi differenti jissejjaħ ‘xenotransplantation’ u jaf, fil-futur qarib, ikun is-soluzzjoni għan-nuqqas ta’ organi li jkollu bżonn il-bniedem f’bżonn ta’ trapjanti urġenti.

Din ir-riċerka ġiet ippubblikata fil-ġurnal Nature.

Aħbarijiet Oħra
Barranin

Dokument ippubblikat illum mill-Vatikan ħabbar l-intenzjoni li s-sinodu jiddiskuti l-possibiltà li rġiel miżżewġa f’partijiet mill-Amerka Latina jitħallew jidħlu għas-saċerdozju. Il-materja se tittella’ quddiem is-sinodu, li se jitlaqqa’ f’Ottubru li ġej,…

Barranin

Tfal ta’ ġenituri separati għandhom tendenza akbar li jeħxienu minn dawk it-tfal li l-ġenituri tagħhom jgħixu flimkien. Dan inkixef minn riċerka li saret minn London School of Economics and Political…

Barranin

Fr Michael Los tilef il-ġlieda kontra l-marda tal-kanċer iżda sal-aħħar nifs, fl-uġigħ u t-tbatija kollha, huwa baqa’ juri d-determinazzjoni u x-xewqa li jiġi ordnat qassis. Huwa ġie ordnat qassis fl-isptar…

Barranin

Magician fl-Indja niżel marbut b’katina fi xmara biex jagħmel bħal Houdini, iżda sfortunatament ma reġax tfaċċa, u huwa maħsub li miet. Chanchal Lahiri, magħruf bħala Mandrake, niżel fix-xmara Hooghly, fl-istat…

Aktar