Lokali
“Kieku kont ftit metri ‘l quddiem kienet teħel fija” – Frans Sant jeħlisha bi żbrixx mill-bomba fil-Bidnija

Frans Sant, li lbieraħ jidher li kien l-uniku persuna li ra l-karozza ta’ Daphne Caruana Galizia tisplodi, irrakkonta kif ħelisha bi żbrixx hekk kif il-karozza splodiet eżatt quddiemu.

Is-Sur Sant, viżibbilment taħt xokk, qal li dan l-episodju kien għalih trawmatiku għax affarijiet bħal dawn qatt m’għadda minnhom.

“Kienet splużjoni kbira ħafna, kont wasalt qrib tagħha, għax kont ġej minn faċċata tagħha bil-karozza,” fisser Sant.

“Tant kienet qawwija li l-karozza baqgħet ġejja għal ġo fija, imma b xorti tajba għaddiet żbrixx minn quddiemi, ħuġġieġa nar, u inzertat qabżet il-ħajt u baqgħet sejra għal ġol-għelieqi,” qal Sant. “Kieku kont ftit metri biss iżjed ‘il quddiem kienet teħel fija.”

Ara hawn l-aħħar aġġornament mix-xena tal-isplużjoni fil-Bidnija: