Saħħa
Kienet fuq is-sufan meta ħasset xi ħaġa f’sidirha

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel huma mħeġġa biex iwarrbu l-biża’ u jagħmlu testijiet regolari għall-kanċer tas-sider u tat-testikoli.

Tnax-il sena ilu, Miriam Ancilleri skopriet li għandha kanċer f’sidirha, meta kellha 48 sena.

”Kien stage two.  F’daqqa waħda, lanqas qatt bsartha. Kont fuq is-sufan u ħassejt xi ħaġa. Mort nagħmel il-mammogram, għamilt il-biopsy u wara ħmistax operawni imma thank God illum għadni hawnhekk. Nirringrazzja l-Bambin u tax-xjenza li kibret.”

Il-Ġimgħa filgħaxija, Miriam ħadet sehem fil-mixja simbolika li saret minn quddiem il-bini tal-Esplora sal-Birgu bil-għan li aktar nisa u rġiel jeżaminaw lilhom infushom kif ukoll biex ikunu ta’ appoġġ għall-persuni li għaddejjin mill-kanċer.

“Qegħdin hemm biex nissapportjaw ħafna lil xulxin jiġifieri feeling sabiħa ħafna.”

Clair Busuttil qalet li b’avvenimenti bħal dan, persuni li jiġu wiċċ imb wiċċ ma’ din il-marda jħossu li mhumiex waħedhom.

“U li aparti hekk illum ir-riċerka qed tgħinna għax wara kollox dan il-moviment kollu u din iċ-ċaqliqa tan-nies kollha hija minħabba riċerka. Ir-riċerka qed tavvanza u nisperaw li tavvanza iktar meta l-pazjenti jkunu diagnosed b’advanced breast cancer.”

Il-mixja kienet organizzata mill-Fondazzjoni Marigold, li matul dan ix-xahar qed taħdem biex jitkattar l-għarfien dwar il-kanċer tas-sider fin-nisa u l-kanċer tal-prostata u tat-testikoli fl-irġiel.

F’din il-mixja spikka l-kulur roża, li issa sar marbut max-xahar ta’ Ottubru.

Aħbarijiet Oħra
COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li bħalissa hemm 278 tifel u tifla li huma taħt ordni ta’ ħarsien mill-Aġenzija Appoġġ. Fi tweġiba parlamentari lid-deputat nazzjonalista…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li s-sena li għaddiet kien hemm disa’ każi ġodda ta’ traffikar uman. Fi tweġiba parlamentari għall-mistoqsija tad-deputat nazzjonalista Claudette Buttigieg, il-Ministru Falzon…

Aktar