Barranin
Kienu se jħalluha tmut għax ma ridux iħallsulha għal trapjant

Waħda mill-ikbar kumpaniji tal-assigurazzjoni fl-Istati Uniti baqgħet tirrifjuta li tħallas għal trapjant tal-fwied li kellha bżonn omm biex tibqa’ ħajja, u bidlet id-deċiżjoni tagħha biss meta l-mara kienet f’xifer il-mewt.

Erika Zak għandha 38 sena, u hija omm ta’ tifla ta’ erba’ snin. Minn ħin għall-ieħor tistenna li tiżvina u tmut, kawża ta’ toqba kbira li għandha fil-fwied minn operazzjoni li marret ħażin.

Zak kienet ġiet operata minħabba kanċer tal-musrana li kien infirxilha sal-fwied. L-operazzjoni fil-musrana kienet suċċess u l-kanċer tneħħa, iżda meta tneħħew it-tumuri mill-fwied, Zak spiċċat b’parti kbira mill-fwied nieqsa.

Il-professuri kkonkludew li l-uniku tama għal Zak kienet trapjant tal-fwied, u għalhekk poġġewha fuq lista ta’ stennija. Madanakollu l-kumpanija tal-assigurazzjoni United Healthcare irrifjutat li tħallsilha għat-trapjant, għax iddeċidiet li ma kienx se jkun ta’ suċċess.

Zak ippreżentat diversi opinjonijiet minn esperti dwar il-bżonn li jsirilha trapjant, iżda l-kumpanija baqgħet tirrifjuta t-talba tagħha għal żmien twil, tant li Zak spiċċat kitbet ittra direttament lill-Kap Eżekuttiv tal-kumpanija.

Il-karba ta’ Zak finalment instemgħet, u llum qed tistenna li tingħata fwied ġdid qabel ma jkun tard wisq.

Aħbarijiet Oħra
Brexit

Il-Prim Ministru tar-Renju Unit, Theresa May illum tkompli bit-taħditiet tagħha biex tippreżenta quddiem il-Parlament Ingliż, pjani ġodda għal Brexit. F’sessjoni oħra ta’ laqgħat ma’ Deputati Konservattivi u oħrajn tal-Partit Irlandiż…

Barranin

Il-militar Iżraeljan beda jattakka qagħdiet Iranjani li jinsabu fis-Sirja f’operazzjoni kontra l-Forza magħrufa bħala Quds. Dan il-grupp huwa taqsima speċjalizzata tal-Gwardja Revoluzzjonarja Iranjana. S’issa għadu mhux magħruf jekk hemmx vittmi.

Aktar