Edukazzjoni
Kif għandhom iġibu ruħhom quddiem ċertu sitwazzjonijiet tal-ħajja t-tfal?

L-istudenti tal-ħames sena tal-iskola primarja ta’ Santa Monika Birkirkara kellhom attività organizzata mis-Sedqa li fiha jkomplu jitgħallmu fuq kif għandhom jiffaċċjaw ċertu sitwazzjonijiet tal-ħajja u għalhekk jevitaw li jidħlu f’perikli. Tfal li tkellmu ma’ TVM qalu li fost affarijiet oħra tgħallmu japprezzaw lilhom infushom.

Il-Programm Tfal favur Ambjent Liberu, tal-Aġenzija Sedqa qed iwassal messaġġ lit-tfal tal-primarja biex minn età bikrija jagħmlu l-għażliet tajba għal ħajjithom billi fost oħrajn jgħidu le għad-droga.

Fl-iskola primarja ta’ Santa Monica Birkirkara, uffiċjali tas-Sedqa użaw logħob interattiv u permezz ta’ karattri maħsuba apposta, wasslu messaġġ lit-tfal kif għandhom iġibu ruħhom quddiem ċertu sitwazzjonijiet li se jħabbtu wiċċhom magħhom fil-ħajja.

Jasmine Tonna qalet “qed nitgħallem kif nirreaġixxi jekk xi ħadd jgħidli biex nagħmel xi ħaġa, biex nieħu xi drogi jew l-alkoħol, u nitgħallem ukoll biex ma jkollniex peer pressure u biex ma mmorrux postijiet li mhumiex tajbin għalina”. Mistoqsija x’għandha tirrispondi jekk xi ħadd joffrila xi ħaġa mill-affarijiet li semmiet, Jasmine qalet li “jekk joffruli ngħidilhom le grazzi iżda xorta nkun il-ħbieb tagħhom.”

Min-naħa tagħha Laura Bezzina qalet “jekk xi ħadd jgħidlna xi ħaġa fuqna li ħa tweġġana, aħna rridu nemmnu li aħna speċjali u uniċi.”

Il-Kap tal-iskola, Suor Marica Briffa, qalet li l-fundatriċi tal-iskola, Maria Teresa Spinelli dejjem saħqet li l-edukaturi għandhom iħarsu lill-istudenti daqslikieku huma l-ġenituri tagħhom. Sostniet li hu għalhekk li attivitajiet bħal dawn huma importanti fil-mixja edukattiva tat-tfal.

Għall-attività tat-Tlieta filgħodu kienu preżenti wkoll il-Ministru tal-Familja Michael Falzon u s-Segretarji Parlamentari Clifton Grima u Julia Farrugia Portelli.

Aħbarijiet Oħra
Kultura

The Tempest hija l-produzzjoni annwali tal-MADC, bl-iscript tad-drammaturgu William Shakespeare jingħata interpretazzjoni kontemporanja fl-isfond ta’ battuti dwar il-ħakma u l-maħfra, fil-ġonna ta’ Sant Anton. Il-ġonna ta’ Sant Anton se jerġgħu…

Kisbiet

It-tarzna ta’ Palumbo rebħet kuntratt prestiġjuż għat-tiswija ta’ tliet bastimenti tal-kumpanija Franċiża Corsica Linea b’sistema ta’ tindif tal-fuel skont ir-regoli l-ġodda fis-settur li jħarsu l-ambjent. Fi stqarrija, il-grupp Palumbo qal…

Knisja Maltija

Beda ix-xogħol fuq t-tieni fażi tar-restawr fil-knisja ta’ Santa Katerina taż-Żejtun li qed isir mid-direttorat tar-restawr anke għaliex din il-knisja Barokka hija meqjusa bħala kapolavur arkitettoniku ta’ Lorenzo Gafà tas-seklu…

Kronaka

Illejla l-Pulizija rnexxielha twaqqaf lill-mara li ritratti u filmati tagħha bdew iduru fuq il-midja soċjali fl-aħħar jiem, b’bosta persuni jgħidu li kienet qed iddur l-irħula u ġġib ruħha b’mod suspettuż….

Aktar