Barranin
Kif issir miljunarju mil-lejl għan-nhar

Meta ssir miljunarju normalment ma tiġrix f’ħakka t’għajn.  Iżda dan kien id-destin ta’ raġel li sar miljunarju għodwa minnhom meta ċċekkja l-kont bankarju tiegħu.

Luc Mahieux minn Dinant fil-Belġju sab li xi ħadd kien poġġielu l-flus fil-card tiegħu u mill-ewwel beda jħoss li solva l-problemi finanzjarji kollha li kellu għax sar sinjur mil-lejl għan-nhar.

Iżda l-ferħ li ħass meta sab €2 miljun fil-credit card tiegħu sfuma wara biss ħamest ijiem meta ċ-ċifra ġiet intraċċata mit-tekniċi ta’ kontra l-frodi.

Jirriżulta li l-Iban minn fejn ġew il-flus jikkorrispondi ma’ sit famuż li ftit ilu r-raġel kien għadu kif ħassar l-abbonament li kien jiswa €30 fix-xahar.

It-tekniċi ta’ kontra l-frodi għadhom ma jistgħux jispjegaw kif dan l-ammont ta’ flus spiċċa fil-kont ta’ dan ir-raġel u minn fejn sar it-trasferiment tagħhom.

 

Aħbarijiet Oħra
Barranin

Ħareġ filmat ġdid tas-CCTV camera waqt li ġġarraf il-pont f’Genova, li fih tilfu ħajjithom aktar minn 40 persuna. Jumejn ilu sar funeral statali għal tmintax-il vittma tat-traġedja tat-tiġrif tal-pont Morandi…

Unjoni Ewropea

Il-Greċja uffiċjalment temmet tliet snin ta’ għajnuna finanzjarja biex toħroġ mill-kriżi tad-dejn li daħlet fiha u tibqa’ fiż-żona Ewro. Fl-aħħar snin il-Greċja ngħatat €289 biljun mill-Unjoni Ewropea u l-Istituzzjoni Finanzjarji…

Barranin

Il-Papa Frangisku qal li ħadd u xejn mhu ser iżomm lis-Santa Sede milli tieħu l-miżuri kollha possibbli bit-tama li tilħaq l-għan aħħari tagħha dak li tippreveni l-abbuż sesswali minn membri…

Barranin

Żagħżugħ b’kunjom Malti, Joe Xuereb ta’ 27 sena ġie arrestat wara li allegatament attakka omm u bint b’martell f’Londra, liema attakk qed ikun deskritt bħala wieħed tal-biża’. Iż-żewġ nisa ta’…

Aktar