Kurżitajiet
Kif tarma s-siġra tal-Milied? Taf qed tarmaha ħażin…

Hekk kif riesaq il-Milied, ħafna jieħdu gost jarmaw il-presepju u s-siġra tal-Milied. L-armar tal-Milied jaf iqajjem kontroversja hekk kif mitt bniedem mitt fehma.

Is-siġra tal-Milied taf tħabbtek ftit mhux ħażin biex tarmaha, speċjalment fejn jidħol id-dawl.

Kif għandek tarma d-dawl? Ħafna l-hena tagħhom li joqogħdu jduru mas-siġra u jdawru l-fustun tad-dawl magħha.

Madankollu din it-teknika ma tinżilx tajjeb ma’ kulħadd hekk kif disinjatur qed jisħaq li dan il-metodu, li aktarx kulħadd trabba bih, mhux tajjeb.

Huwa jispjega li ħafna jibdew jarmaw il-fustun mill-qiegħ tas-siġra u jibqgħu tilgħin ’il fuq. Madankollu skont id-disinjatur Franesco Bilotto dan mhux tajjeb u d-dawl għandu jintrama b’mod vertikali mas-siġra.  Dan hek kif skontu l-mod tradizzjonali jtellef ħafna mill-effetti tad-dawl, minħabba li partijiet mill-fustun jintilfu qalb il-friegħi tas-siġra.

Bilotto jispjega li wieħed irid jarma s-siġra billi jibda mill-ponta ta’ fuq tas-siġra u jibqa’ nieżel dritt sa isfel, jimxi tlieta jew erba’ pulzieri u jerġa’ jitla’ ’l fuq. Wieħed jibqa’ sejjer hekk sakemm jimla’ s-siġra bid-dawl.

Madankollu, din l-idea ma niżlitx tajjeb ma’ kulħadd u jixtieq jibqa’ jarma s-siġra bħal kif jarmaha minn dejjem.

Inti x’taħseb? Kif tippreferi tarma s-siġra tal-Milied?

Aħbarijiet Oħra
Waqt il-Kafé

WAQT IL-KAFÉ… ma’ Joe Julian Farrugia   Meta konna żgħar, għall-bidu ta’ Novembru, tal-iskola kienu jagħtuna kaxxa tal-kartun kemmxejn ċatta, qisha gabarrè kbir li fiha kien ikollna ħafna pepprin tal-karta…

Barranin

L-iskart ta’ wieħed huwa t-teżor ta’ ieħor. Hekk jiddeskrivi l-karriera tiegħu Artur Brazhe, disinjatur tal-moda favur l-ambjent. Brazhe huwa minn Kursk u ilu jiddisinja ħwejjeġ minn affarijiet riċiklabbli għal dawn…

Kurżitajiet

Ħaddiema ta’ kumpanija Belġjana tal-metall dalgħodu sabu sorpriża wara tmiem il-ġimgħa hekk kif skoprew li kellhom bonus ta’ €30,000 fil-kont bankarju tagħhom. Filwaqt li wħud issuspettaw li l-flus spiċċaw għandhom…

Barranin

Diversi nies ma jirnexxilhomx jew ibatu biex jorqdu. Huma diversi raġunijiet għala wieħed ma jkunx jista’ jorqod fosthom għax wieħed ma jkunx xorob biżżejjed ilma matul il-jum. Skont riċerka li…

Aktar