Teknoloġija
Kif tinduna li ‘website’ hija ‘safe’?

Minn sena għall-oħra, it-teknoloġija mxiet ‘il quddiem ġmielu u fost il-bosta benefiċċji li ġabet magħha hemm dak tax-xiri onlajn. Fi ftit kliem, meta għandna bżonn nixtru xi ħaġa, jekk hux ħwejjeġ jew xi rigal, fejn qabel kont tqatta’ nofs ta’ nhar iżżur il-ħwienet għax ma kellekx għażla oħra, illum tista’ tinqeda mill-kumdità ta’ darek mingħajr ma għandek għalfejn toqgħod tinqala’. Tagħżel li jogħġbok, tlesti l-card tal-bank, iddaħħal id-dettalji li hemm bżonn u barra bid-daqq.

Madanakollu, bħal kull ħaġ’oħra, ix-xiri onlajn fih it-tajjeb u l-ħażin tiegħu. Fost l-oħrajn, meta niġu biex inħallsu, jista’ jagħti l-każ li jkun hemm xi ħadd li jkun qed jinterċetta l-informazzjoni li tkun għaddejja.

B’rabta ma’ dan is-suġġett, il-MITA qed tisħaq sabiex noqogħdu b’seba’ għajnejn, speċjalment meta hemm il-flus fin-nofs.

U allura, x’nistgħu nagħmlu? Qabelxejn, website sigura tagħrafha għax tkun tibda b’https u jkollha s-simbolu tal-katnazz. Barra minn hekk, bl-online banking, wieħed jista’ jitlob li jiġi avżat kull darba li juża l-card permezz ta’ e-mail jew sms biex b’hekk ikollu rendikont aktar ċar tal-flus li ħerġin.

Aħbarijiet Oħra
Kultura

Sal-lum ma kienx faċli li wieħed jikseb informazzjoni dwar l-antenati tiegħu li jmorru lura qabel l-1863 meta bdew jiġu rreġistrati kull twelid, żwieġ u mewt f’Malta u Għawdex. Ħafna minn…

Kultura

Bħal għada filgħaxija, lejlet il-festa tas-Salvatur f’Ħal Lija, id-dilettanti tan-nar kienu joħonqu ż-żoni ċentrali ta’ Malta biex isegwu l-ispettaklu ferm mistenni tal-logħob tan-nar. Din is-sena, minflok fl-għelieqi jħejju għal dan…

Agrikultura

Fis-suq sar hawn għażla liema bħalha. Spiss, tista’ saħansitra tinqeda mill-kumdità ta’ darek u tiffranka lira. Anki jekk, ħafna drabi ta’ li tħallas tieħu. Liema prinċipju jgħodd ukoll għall-agrikoltura. Settur,…

Kurżitajiet

Spiss, dak li jkun ikollu ruxmata ħsibijiet fuq moħħu. Il-ħajja donnha saret mgħaġġla wisq. Kultant, taljena rasek daqs tazz’ilma. Fost l-oħrajn, mhux l-ewwel darba li dak li jkun ikollu seba’…

Aktar