Barranin
Kif tista’ tagħmel id-dieta mingħajr ma taqta’ z-zokkor

Sa ftit ilu, ix-xaħam kien l-agħar ingredjent għal min irid jagħmel id-dieta; qabel kien il-melħ; u issa z-zokkor!

Ħafna huma dawk li jibdew id-dieta u mill-ewwel jevitaw li jieklu ikel biz-zokkor, bħalma huma l-għasel, il-luminati, il-ħelu u anke xi frott fosthom il-banana.  Xi dieti saħansitra jirrakomandaw li wieħed jelimina jew jirrestrinġi l-prodotti tal-ħalib ukoll.

Esperti tan-nutrizzjoni jinnutaw li l-konsum eċċessiv taz-zokkor jista’ jwassal għall-obeżità u għalhekk qed jiżdied ir-riskju tad-dijabete type 2, mard tal-qalb u xi mard tal-kanċer.

Iżda hawn min ma jaqbilx li wieħed għandu jiċċaħħad kompletament miz-zokkor għax mhux tajjeb għall-moħħ.  Ir-riċerka turi li l-moħħ jinterpreta d-dieta bħala ġuħ u għalhekk jaħżen ix-xaħam f’każ li jiġi nieqes minnu fil-futur.  Id-dieta tista’ tkun stressanti, toħloqlok ansjetà u dipressjoni.

Hemm min saħansitra jiġi ossessjonat bl-ikel li jiekol u jibda jibża jiekol ċertu ikel.  Bejn 7% u 58% tan-nies jista’ jkun li għandhom din il-kundizzjoni, iżda li huwa żgur li 15% tan-nisa huma l-iktar li jġarrbu din il-problema xi darba f’ħajjithom.

Huwa ssuġġerit li flok tiekol ikel mielaħ jew ħelu, l-aħjar alternattiva hija li tiekol ikel pikkanti.

Li huwa żgur li l-ikel li tiekol jikonsisti l-iktar fi frott u ħaxix, u darba kultant forsi tippermetti li tiekol xi ħaġa tal-ħelu biex lil moħħok titrażmettilu li għandek relazzjoni tajba mal-ikel mhux li tibża minnu!

Aħbarijiet Oħra
Brexit

Fir-Renju Unit, ir-Reġina Eliżabetta t-Tieni għamlet diskors fil-ftuħ tal-Parlament fejn qalet li l-prijorità għall-Gvern imexxi mill-Prim Minsitru Boris Johnson hija li joħroġ lir-Renju Unit mill-Unjoni Ewropea fl-aħħar ta’ dan ix-xahar….

Barranin

Raġel fl-Awstralja li kien instab ħati li qatel pulizija u nżamm 19-il sena arrestat intortament ingħata kumpens ta’ A$ 7 miljun, ekwivalenti għal kważi €4.4 miljun. Fl-1995 David Eastman kien…

Barranin

Sentenzi ta’ ħabs li jvarjaw bejn id-disgħa u tlettax-il sena għal disa’ mexxejja separatisti Katalani. Is-sentenzi ngħataw mill-Qorti Suprema Spanjola wara li d-disgħa li huma nstabu ħatja li kkonfoffaw u…

Barranin

Il-militanti Kurdi laħqu ftehim mal-armata Sirjana, li għandha tgħinhom jiġġieldu kontra l-qawwiet militari tat-Turkija fit-Tramuntana tas-Sirja. L-aħbar ingħatat mill-istazzjon nazzjonali Sirjan, u kienet ikkonfermata mill-Kurdi. Kien irrappurtat li truppi tal-Gvern…

Aktar