Barranin
Kif tista’ tgawdi l-festi mingħajr hangover

Issa li qed joqrob l-istaġun festiv u l-istediniet għall-festini jibdew jiżdiedu, min iħobb ilegleg xi grokk ikun jixtieq li kieku jkun jista’ jixrob mingħajr ma jispiċċa b’hangover l-għada.

Ditta multinazzjonali tas-supermarkets diġà ħasbet għal dawn is-sitwazzjonijiet, tant li ndikat li għandha s-soluzzjoni għal min iħobb l-għenba iżda ma jridx li jqum b’uġiegħ ta’ ras jew dardir fl-istonku l-għada filgħodu.

Dan hekk kif ħareġ fis-suq prosecco organiku li matul il-proċess tal-produzzjoni jintużaw livelli iktar baxxi ta’ sulphites.  Dan huwa likwidu aċiduż bi traċċi ta’ melħ li normalment jikkawża l-hangover meta persuna tkun allergika għalih.

Madanakollu, għalkemm jidher li din ix-xarba alkoħolika tista’ tkun is-soluzzjoni, fir-realtà l-affarijiet ma jkunux daqshekk sempliċi.  Esperti fil-qasam huma tal-fehma li veru forsi hawn min se jkollu inqas effetti ta’ hangover b’din ix-xarba organika, iżda xorta jisħqu li wieħed għandu jikkonsma inqas alkoħol biex ma jqumx ħażin l-għada filgħodu.

Riċerka li saret fir-Renju Unit turi li ma tantx hawn rimedji biex wieħed ma jkollux hangover jekk jixrob ħafna alkoħol.  Madanakollu jirrakkomandaw li bejn grokk u ieħor tal-alkoħol għandu jinxtorob l-ilma, m’għandux jittieħed alkoħol fuq stonku vojt u qatt tixtri round lil sħabek kollha għax hemm tendenza li tikkonsma iktar alkoħol matul is-serata.

 

Aħbarijiet Oħra
Barranin

Il-Kumitat Internazzjonali tal-Olimpijadi ivvota unanimament biex il-projbizzjoni kontra r-Russja tista’ titneħħa jekk l-atleti ta’ dan il-pajjiż li qed jikkompetu fi Pyeongchang ma jiksrux iktar ir-regoli tad-doping, jigifieri li ma jiħdux…

Barranin

Nancy Moronez ta’ 60 sena ammettiet li qatlet 3 itrabi bejn l-1980 u l-1985 f’Wisconsin. Moronez qalet li qatlet lil binha ta’ ġimagħtejn f’Marzu tal-1980 hi u ttih banju. Hija…

Barranin

F’Ruma, f’Milan u f’Palermo llum qed isiru diversi dimostrazzjonijiet fil-ġirja għall-elezzjoni ta’ bħal għada ġimgħa. L-awtoritajiet Taljani stmaw li madwar 20,000 persuna attendew dawn id-dimostrazzjonijiet li f’waqtiet minnhom kienu ikkaratterizzati…

Barranin, Kurżitajiet

Meta dari xi ħadd kien imut, f’Malta kellna s-servizz tan-newwieħa jew il-bikkejja; nisa li xogħolhom kien propju li jibku fid-dar tal-mejjet u joħolqu xeni ta’ sogħba. Fiċ-Ċina teżisti tradizzjoni kemmxejn…

Aktar