KNPD: il-persuni b’diżabilità huma nies normali u mhux imsieken

Fl-istess ġurnata li twaqqfet il-Fondazzjoni Lino Spiteri, tnediet kampanja bil-għan li tqajjem aktar għarfien dwar id-dinjità tal-persuni b’diżabilità. Il-kampanja Here We Are immexxija mill-Kummissjoni għall-Persuni b’Diżabilità qed twassal il-messaġġ li persuni b’diżabilità huma nies normali u mhux imsieken.

Iċ-Ċermen tal-Kummissjoni Nazzjonali Persuni b’Diżabilità, Oliver Scicluna qal li s-soċjetà għandha tieqaf tħares lejn l-persuni b’diżabilità bħala msieken u nies vulnerabbli.

“Jien persuna b’diżabilità u niltaqa’ ma’ dawn l-affarijiet ta’ kuljum u għadni niltaqa’ ma’ ċertu kummenti u attitudni. Għandna nħarsu lejn il-persuni b’diżabilità bħala persuna u mhux diżabilità b’persuna. Il-messaġġ tal-kampanja hu li aħna għandna il-potenzjal li nkunu parti minn oqsma differenti mill-ħajja,” qal Oliver Scicluna.

Is-Sur Scicluna qal li l-ħolma tiegħu hi li l-persuni b’diżabilità jitqiesu bħala nies normali daqs ħaddieħor.

“Ma nibqgħux naraw policies u liġijiet li jiddefinixxu persuni b’diżabilità għax niġu l-għażla naturali u s-support jingħata fejn hemm bzonn,” qal Oliver Scicluna.

Christian Camilleri, li huwa parti mit-tim ta’ din il-kampanja, qal li għandhom sfida doppja, li jedukaw lis-soċjetà u jinkoraġġixxu lil persuni b’diżabilità biex jipparteċipaw b’mod sħih fis-soċjetà.

Il-President Marie-Louise Coleiro Preca qalet li temmen li kulħadd għandu abbilitajiet differenti u m’għandux ikun hemm distinzjoni bejn persuna u oħra. Saħqet li s-soċjetà għandha tagħti d-dinjità lil dawn il-persuni u mhux bil-karità biss. Żiedet tgħid li bħalissa hemm ħames persuni b’diżabilità jaħdmu fil-palazz u ħeġġet biex aktar postijiet tax-xogħol jiftħu l-bibien tagħhom għal aktar inklussività.

Aħbarijiet Oħra
Lokali

Inqas minn tliet xhur wara li ġie fi tmiemu s-Sinodu tal-Isqfijiet dwar iż-Żgħażagħ, eluf ta’ żgħażagħ qed jinġabru fil-Panama għall-Jum Dinji taż-Żgħażagħ. Il-Papa Franġisku jasal il-Panama għada bil-qofol taċ-ċelebrazzjonijiet jintlaħqu…

Ikel

Fl-isfond tal-kontroversja li bdiet wara s-servizz tal-aħbarijiet ta’ TVM mal-Imam Mohammad Elsadi, dwar il-qtil tal-annimali bir-ritwal Musulman, komplejna nsegwu l-kwistjoni. Mhux eskluż li l-qtil tal-annimal bis-sistema tal-halal, għalkemm mhux isir…

Trasport

Is-sidien tal-pompi tal-petrol bdew b’azzjonijiet industrijali minħabba nuqqas ta’ ftehim mal-Gvern dwar it-talba għal żidiet fil-qligħ tagħhom. L-azzjoni ewlenija hi li l-pompi mhux se joffru s-servizz mill-magni awtomatiċi wara s-sitta…

Familja

Matul is-sena li għaddiet kien hemm xejn inqas minn 1,303 koppji li żżewġu fuq cruise liner li jtajjar il-bandiera Maltija. Din l-informazzjoni ngħatat fil-Parlament mill-Prim Ministru Joseph Muscat għall-mistoqsija tad-Deputat…

Aktar