Kurżitajiet
Kont taf li Fido jaf jieklok wara li tmut?

Fl-isfond tal-istorja tal-mara Ingliża li nstabet mejta flimkien mal-kelba tagħha f’appartament f’San Pawl il-Baħar, bosta tħassbu dwar x’jiġri jekk sid li jgħix waħdu jmut qabel l-annimali li jrabbi.

Studju rrappurtat fil-Forensic Science International jaf ma tantx jinżel tajjeb mas-sidien tal-annimali.

Fl-istudju, ġew esplorati xi mwiet kurjużi ta’ xi individwi fejn spikkaw għadd ta’ każijiet simili – l-imwiet ta’ persuni li kienu sidien ta’ klieb.

L-esperti forensiċi sabu li klieb domestiċi jistgħu jispiċċaw jieklu biċċiet minn sidhom ladarba dawn imutu. Dan ma ġarax biss f’każ separat għaliex s’issa, ġew irrappurtati mat-63 każ ta’ persuni li mietu u spiċċaw ittieklu mill-pets tagħhom.

Jidher li anke l-qtates jagħmlu għas-sidien mejtin tagħhom fejn l-aktar li jattakkawlhom huma l-aktar partijiet rotob tal-wiċċ bħall-imnieħer, l-għajnejn u x-xuftejn.

Iżda dan ma ssorprendiex wisq lill-antorpoloġista forensika Carolyn Rando. Hija qalet li fin-natura tagħhom, il-qtates, jekk sidhom ikun rieqed, jippruvaw iqajmuh billi jmissulu jew jilgħaqulu wiċċu.

L-istess jista’ jingħad għall-klieb – l-intenzjoni inizjali tkun dik li jilgħaqu wiċċ sidhom iżda x’ħin dawn jibqgħu ma jarawx li dan qed jirrispondi, jispiċċaw jigguffaw fit-tentattiv tagħhom biex iqajmuh sakemm jispiċċaw biex jigdmuh u jiekluh.

Rando qalet li l-klieb, ladarba jigmu u jxommu d-demm, jispiċċaw imorru fl-estrem li jieklu partijiet minn sidhom anke jekk ikollhom aċċess għall-ikel tagħhom. Fl-aħħar mill-aħħar, tgħid Rando, din hija mġieba fin-natura tagħhom. Qalet ukoll li mhemmx distinzjoni bejn ir-razzez li jaġixxu b’dan il-mod iżda nstab li klieb ta’ daqs kbir jew medju u dawk li jbatu mill-ansjetà kienu dawk li spiċċaw aġixxew b’dan il-mod. Hija kompliet tgħid ukoll li l-kelb tal-German Shephard kien l-aktar fost il-klieb li għamel sfreġju minn wiċċ sidu.

L-espert forensiku, Markus Rothschild, min-naħa l-oħra qal li 24% tal-każijiet fl-2015, bil-protagonisti jkunu dejjem il-klieb, ġraw f’inqas minn 24 siegħa mill-mewt tas-sid. Kurżità oħra li ħarġet minn dan l-istudju sab kif l-annimali domestiċi dejjem jagħmlu għal wiċċ sidhom mentri l-klieb slavaġ, dejjem marru għall-intern tal-bniedem mejjet.

Aħbar xejn sabiħa għas-sidien tal-annimali iżda wieħed jista’ jikkonsla b’ħaġa waħda biss – mewt ta’ wieħed ħajja t’ieħor.

Ara wkoll:

AĠĠORNAT: Il-kelb tal-anzjana Ingliża aktarx li miet bi swied ta’ qalb

 

 

Aħbarijiet Oħra
Barranin

Anzjani fil-Kanada kellhom iktar minn sempliċi indiġestjoni wara ikla fiċ-ċentru tal-komunità tagħhom f’Whitestone. Uħud mill-anzjani kellhom jingħataw assistenza medika meta bdew iħossuhom storduti jew bdew jirremettu. Mill-investigazzjonijiet ħareġ li l-anzjani kienu…

Barranin

X’se jsemmuha lit-tarbija l-Prinċep Harry u martu Meghan?  L-ex attriċi tinsab lejn l-aħħar tat-tqala u l-kumpaniji tal-imħatri bħalissa għaddejjin b’furur dwar l-isem, is-sess, il-piż, id-data u l-post fejn se titwieled…

Kurżitajiet

Stephen Mckears, penzjonant Ingliż ta’ 72 sena kien inkwetat ferm meta beda jinduna li xi ħadd kien qed jidħollu mal-lejl u jiżbarazzalu l-viti, l-iskorfini u bċejjeċ żgħar tal-metall u l-plastik…

Kurżitajiet

Skont is-CNN, Malta hija fost l-aqwa pajjiżi minn madwar id-dinja kollha li għandek iżżur waqt ir-rebbiegħa. L-artiklu jgħid li wieħed jista’ jgawdi lil Malta aħjar fir-rebbiegħa b’temperaturi sħan u l-biċċa…

Aktar