Lokali
“Kont tgħidilna biex noqogħdu attenti fuq ix-xogħol u b’hekk kellek tħallina” – iben Emanuel Grech

“Kellek tħallina hekk, tmut quddiemi. Ma stajt nagħmel xejn missier biex ngħinek”. Dan huwa kliem iben ir-raġel li tilef ħajtu dalgħodu fil-Ħamrun.

Iben il-vittma, Matthew esprima n-niket u l-ġerħa tat-telfa ta’ missieru fuq Facebook.

Matthew iddeskriva lil missieru bħala li ma kienx hawn raġel bħalu, li kien dejjem jiċċajta u lest li jgħin lil kulħadd.

Huwa qal li kien iwissihom biex joqogħdu attenti fuq ix-xogħol u sfortunatament missieru kellu jmut b’dan il-mod.

Emanuel Grech kien se jieqaf mix-xogħol xahrejn oħra. Ibnu qal li kienu qed jistennew dan iż-żmien biex flimkien imorru jistadu u jmorru għall-kaċċa.

Matthew kompla jikteb “inwiegħdek li nagħmel mill-aħjar li nista’ missier biex inferħek minn hemm fuq, postok f’qalbi ma jieħdu ħadd”.
Emanuel Grech tilef ħajtu meta waqa’ żewġ sulari f’xaft ta’ lift f’kumpless tal-ħwienet fil-Ħamrun.

Il-vittma kien qed jgħin lil ibnu u kien iġorrlu xi affarijiet, meta inċidentalment waqa’ f’bokka u baqa’ nieżel żewġ sulari fejn hemm il-parkeġġ tal-kumpless.

Ara wkoll:

AĠĠORNAT: Emanuel Grech tilef ħajtu quddiem għajnejn ibnu

Aħbarijiet Oħra
Kronaka

L-Erbgħa filgħodu, fl-iskola sekondarja tar-Rabat Għawdex, tliet studenti subien kellhom jittieħdu l-isptar minħabba li belgħu xi pilloli tal-irqad. Qal dan fi stqarrija l-Ministeru għall-Edukazzjoni, fejn qal li kienu l-istudenti stess…

Ekonomija u Finanzi

Il-Kamra tal-Kummerċ, l-Industrija u l-Intrapriża proponiet numru ta’ miżuri kif fil-fehma tagħha l-ekonomija Maltija tista’ tkompli tikber b’mod sostenibbli b’rispett lejn l-ambjent u l-kwalità tal-ħajja. Ir-rakkomandazzjonijiet inġabru f’dokument li joffri…

Mużika

Songcraft, proġett li jifforma parti mill-programm ta’ Spazju Kreattiv b’kollaborazzjoni ma’ Aġenżija Żgħażagħ reġa’ lura wara l-proġett pilota fl-2019 fejn ta opportunità lil kantawturi promettenti ta’ bejn is-16 u l-20 sena. Il-kantawturi magħżula…

Qorti

Issoktat l-inkjesta pubblika fil-qtil tas-Sinjura Daphne Caruana Galizia li qed tistħarreġ jekk il-Gvern setgħax jieħu miżuri biex jevita dan il-qtil. Fis-seduta tal-lum mistenni jixhed Neville Gafa. L-ewwel biex jitla’ fuq…

Aktar