Lokali
Kontroversja dwar ritratt bil-bandiera Maltija mħallta mal-bandiera tal-komunità LGBTIQ

Inqas minn xahar wara li ngħata l-inkarigu ta’ Ministru tal-Ugwaljanza, Edward Zammit Lewis b’ġest simboliku sab ruħu fiċ-ċentru ta’ kontroversja minn uħud wara li ppoża għal ritratt bil-bandiera Maltija mħallta mal-bandiera tal-komunità LGBTIQ. Dr Zammit Lewis iddefenda l-aġir tiegħu waqt li fil-midja soċjali qamu argumenti favur u kontra li parti mil-bandiera bajda u ħamra spiċċat bil-kuluri oħrajn.

Waqt li l-komunità LGBTIQ qed tħejji għall-gay pride parade, ippreżentat lil Ministru l-ġdid tal-Ugwaljanza Edward Zammit Lewis, il-bandiera Maltija bil-parti l-ħamra mibdula bil-bandiera tal-komunità. Gaby Calleja sostniet li dan il-ġest simboliku sar biss biex turi li Malta llum aċċettat id-diversità wara d-diversi riformi li taw id-drittijiet lill-komunità LGBTIQ u bl-ebda mod mhu maħsub biex tbiddel in-natura tal-bandiera Maltija.

Madankollu fuq il-midja soċjali, kienu bosta li ħaduha qatt bla ħabel kontra dan il-ġest simboliku jew mhumiex. Fost oħrajn, id-Deputat Nazzjonalista Edwin Vassallo fuq Facebook wera ruħu diżapuntat bl-imġiba tal-Ministru. Sostna li l-bandiera ta’ Malta hija ta’ Malta. Żied jgħid li l-ugwaljanza tfisser rispett lejn id-diversità, iżda issa qed jidher li hawn minoranza li qed taħkem fuq maġġoranza.

Il-Ministru Zammit Lewis iddefenda ruħu mill-kritika ta’ bosta fuq il-midja soċjali u ddikjara li m’għandu ebda dubju fir-rispett lejn il-bandiera Maltija bajda u ħamra. Żied jgħid iżda li jħossu privilleġġjat li jagħmel parti minn Gvern li implimenta miżuri bla preċedent favur ir-rispett tad-diversità u sostna li r-ritratt li qajjem il-kontroversja huwa biss att simboliku favur aktar drittijiet ċivili.

L-Opinjonista Peppi Azzopardi min-naħa tiegħu argumenta li l-agħa li qajjem dar-ritratti juri li fis-soċjetà baqa’ ħafna iżjed xi jsir favur ir-rispett sħiħ tad-diversità u juri dak li sejjaħ patrijottiżmu falz.

Mhux eskluż li dan l-att simboliku li l-kuluri tal-bandiera tal-LGBTIQ ħadu post parti mill-bandiera Maltija setgħet kienet imnebħa mill-Prim Ministru Kanadiż JustinTreadue li wkoll xejjer il-bandiera Kanadiża mħallta bil-bandiera ta’ din il-komunità.

Aħbarijiet Oħra
COVID-19

L-Assoċjazzjoni Medika Maltija (MAM) qed tħeġġeġ lill-pubbliku sabiex ikun iddixiplinat u jsegwi l-pariri tal-esperti mediċi biss. Fi stqarrrija l-MAM esprimiet tħassib dwar il-proposti tal-Prim Ministru li qalet huma mingħajr bażi…

Kultura

Ir-restawr fuq l-ikbar esebit fil-Mużew Marittimu lest. Il-Pulena, li għamlet żmienha fuq il-pruwa tal-HMS Hibernia, reġgħet lura għall-glorja tagħha. Għalissa fis-skiet għaliex il-pandemija għalqet il-bibien tal-mużewijiet, imma la jerġgħu jiftħu…

Stejjer Umani

Sentejn ilu waqa’ għall-vizzju tad-droga għax tilef lill-ommu u sofra minn sfidi mentali, iżda issa ddeċieda li jidħol għall-programm tal-Caritas biex ikun jista’ jerġa’ jgħannaq lil familtu u jgħin persuni…

Aktar