Barranin
Koppja ma tħallix traġedja ttelfilha t-tieġ – l-għarusa spiċċat attakkata minn kukkudrill

Minkejja qtigħ il-qalb għall-koppja li spiċċaw jaffaċċjaw sitwazzjoni mhux tas-soltu rnexxielhom jgħixu l-ħolma tagħhom.

Kif ġraw l-affarijiet ħadd ma kien jobsor li tfajla ta’ 25 sena Zanele Ndlovu se taqta’ xewqitha u tiżżewweġ meta ħamest’ijiem qabel spiċċat bla driegħ.  Il-kuraġġ u d-determinazzjoni tagħha għelbu kull ostaklu.

Zenele u l-għarus tagħha Jamie iltaqgħu sentejn ilu u kienu diġà għamlu d-data tat-tieġ għal dan ix-xahar.

Hija kienet coneing mal-għarus tagħha fuq baħar kalm meta ħabta u sabta attakkahom kukkudrill u ġibed lill-kopja fl-ilma.

Minkejja li r-raġel irnexxielu jeħlisha ħafif l-għarusa spiċċat attakkata mill-kukkudrill b’dirgħajha mill-minkeb maqtugħ. Zanele qalet li għall-ewwel ħasbet li kienet se tmut meta l-baħar biddel lewnu bid-dmija. Minkejja dan hi ma qatgħetx qalbha u baqgħet tissielet sakemm xi gwidi tawha l-għajnuna u għajtu għall-għajnuna. Hija mill-ewwel indunat li ma l-qagħda tagħha ma kinitx tajba. Stqarret li fortunatament kienet il-kesħa u għalhekk ma bdietx tħoss daqshekk l-uġigħ.

Kif jgħidu ħadd ma jaf x’se jseħħ fil-ġejjini. Meta ttieħdet l-isptar ħsibijietha marru fuq it-tieġ li kien ippjanat għal 5 ta’ Mejju. Xi jumejn wara l-operazzjoni t-tobba qalulhom li jistgħu jiżżewwġu fl-isptar.

Żgur li t-tieġ se jibqa’ mnaqqax fil-memorja tal-koppja. Huma mistennija jkomplu bil-pjanijiet tagħhom u jgħixu ħajjithom fir-Renju Unit.

 

Aħbarijiet Oħra

Il-President Amerikan Donald Trump ħallas biss $750 f’taxxi fuq id-dħul tiegħu fl-2016. Rapport fuq in-New York Times, li kisbet aċċess għal informazzjoni li tmur lura aktar minn 20 sena, jgħid…

Fil-Venezwela kważi 200 persuna li jaħdmu bħala paramediċi fil-qasam tas-saħħa tilfu ħajjithom minn Marzu ‘l hawn kawża tal-imxija tal-Covid-19. Fil-Venezwela nstabu mil-lanqas 68,000 persuna li kellhom il-Coronavirus li minnhom tilfu…

Minn għada, l-istazzjonijiet nazzjonali jniedu skeda ġdida ta’ programmi li se tkun imżewqa bi programmi ġodda u oħrajn li jkomplu jibnu fuq is-suċċessi li kellhom fis-snin li għaddew. Minn Studio…

Mil-lum il-Kamra tal-Aħbarijiet tal-PBS bdiet ixxandar l-aħbarjiiet b’dehra ġdida mill-istudjo numru wieħed fi Creativity Hub. Għal dawn l-aħħar ġimgħat bosta tekniċi u ħaddiema oħrajn kienu involuti fil-bini ta’ studjo ġdid,…

Aktar