Qorti
AĠĠORNAT: Koppja mwiddba biex tagħlaq il-purtieri wara li tat spettaklu bla ħsieb

Mara u raġel spiċċaw imwiddba mill-Qorti biex iżommu l-purtieri tal-kamra tas-sodda magħluqa, wara li xi persuni lemħuhom waqt l-att sesswali fil-gallarija.

Il-koppja, li huma turisti Ukreni, ġibdu l-attenzjoni ta’ persuni li rrappurtawhom lill-Pulizija wara li rawhom meta kienu f’mumenti intimi fil-gallarija tal-kamra tas-sodda. Il-każ seħħ fis-sigħat bikrin tas-16 t’Awwissu f’lukanda f’San Pawl il-Baħar.

Il-mara u r-raġel, li għandhom 33 u 39 sena, tressqu taħt arrest akkużati li offendew il-morali pubblika b’att li sar f’post espost għall-pubbliku, kif ukoll li kienu fis-sakra.

Il-Qorti, ippreseduta mill-Maġistrat Joe Mifsud, illiberat lill-koppja bil-kundizzjoni li ma jwettqux reat ieħor fi żmien sena.

Filwaqt li widdbithom biex ma jinżgħux fil-pubbliku u jżommu l-purtieri magħluqa, il-Qorti awguratilhom ikomplu jgawdu l-vaganza tagħhom f’Malta. Il-Qorti ordnat divjet fuq l-ismijiet.

Il-Prosekuzzjoni tmexxiet mill-Ispettur Godwin Scerri, filwaqt li għad-difiża deher l-avukat tal-għajnuna legali Benjamin Valencia.

Aħbarijiet Oħra
Kronaka

Sewwieq ta’ mutur weġġa’ gravi f’inċident tat-traffiku fiż-Żurrieq. L-inċident seħħ għall-ħabta tat-2.50am fi Triq Valletta, iż-Żurrieq. Il-Pulizija tad-Distrett marru mill-ewwel fuq il-post u minn stħarriġ preliminari li sar irriżulta li…

MEUSAC

Se ssiefer għal btala fuq studju jew xogħol għal żmien temporanju, f’xi Stat Membru ieħor tal-Unjoni Ewropea, fl-Iżlanda, in-Norveġja, l-Iżvizzera, jew il-Liechtenstein? Għandek Kard Ewropea għall-Assikurazzjoni tas-Saħħa valida (KEAS)? Il-KEAS…

Annimali

Ikel li tpoġġa fuq ċint biex jittiekel mill-qtates, spiċċa minflok jittiekel mill-firien. Filmat li ttieħed illum viċin il-venda ta’ Marsaskala minn resident juri qtates żgħar iħarsu lejn l-ikel b’nuqqas ta’…

Aktar