Kultura
Kor Għawdxi b’kunċerti fir-Repubblika Ċeka

Darbtejn Franza, darbtejn l-Italja, darba l-Awstrija u issa r-Repubblika Ċeka. Dawn hu l-vjaġġi barra l-pajjiż li għamel il-kor Schola Cantorum Jubilate, imwaqqaf f’Għawdex tmintax-il sena ilu.

Din il-medley ta’ kant popolari minn Malta b’siltiet bħall-‘Għawdex’, ‘Int sabiħa Malta tagħna’, ‘L-aħħar bidwi’, u ‘L-ewwel tfajla li ħabbejt’ ġiet ippreżentata mill-kor Schola Cantorum Jubilate f’wieħed mill-kunċerti li ta fir-Repubblika Ċeka, fil-Mill Colonnade ta’ Karlovy Vary. Il-kunċert ittella’ bil-kollaborazzjoni tal-orkestra sinfonika ta’ din il-belt.

L-Ischola Cantorum Jubilate tela’ r-Repubblika Ċeka b’35 korist li bil-vuċijiet tagħhom kienu wkoll ambaxxaturi għal Malta. Huma kienu bbażati fil-kapitali, Praga, bil-fundatur tal-kor, Stefan Attard, qal li l-għan tagħhom hu li joħolqu mużika tajba u jagħtu esperjenza edukattiva lill-membri. Wera l-fehma li l-kor għamel suċċess għax dejjem emmen li l-mużika hi lingwa li trid tikkomunika ma’ min jismagħha.

Il-Fundatur u Koordinatur tal-iSchola Cantorum Jubilate, Stefan Attard qal “dak hu l-iskop għaliex l-Ischola Cantorum Jubilate tat esperjenza lill-membri tagħha f’diversi pajjiżi mill-bidu tal-eżistenza tagħha tmintax-il sena ilu u kantat f’postijiet prominenti. L-iskop kien biex nagħtu esperjenza lil dawn iż-żgħażagħ li qed jiskopru l-mużika sagra, mużika klassika, mużika polifonika li l-Ischola Cantorum Jubilate tispeċjaliżża fiha.”

Fi Praga, quddiem udjenzi mdaqqsa l-kor ta’ diversi kunċerti fejn interpreta biċċiet sagri ta’ kompożituri rinomati fosthom fil-knisja ta’ San Gall li tinsab fil-parti l-qadima tal-belt. Is-sopran u direttur tal-kor, Marouska Attard, tat kunċert fil-Knisja ta’ San Franġisk fejn interpretat biċċiet ta’ Mozart. F’din il-knisja Mozart kien ta’ diversi kunċerti fuq l-orgni u llum għadha mfittxija għall-kunċerti li jittellgħu fiha kuljum.

L-Ischola Cantorum Jubilate anima ċ-ċelebrazzjoni tal-quddiesa fil-knisja tal-Madonna tal-Vittorji fejn hemm il-Bambin ta’ Praga u fil-Katidral ta’ San Vitu fil-Kastell Presidenzjali.

Mument aktar leġġer ħa lill-kor fuq Charles Bridge, li jaqsam ix-xmara Vlatva.

Aħbarijiet Oħra
Immigrazzjoni

164 pajjiż fosthom Malta iffirmaw dak li qed jissejjaħ Patt Globali dwar l-Immigrazzjoni Ordnata u Regolari. Waqt ċerimonja f’Marrakech fil-Marokk, intqal li dan il-patt se jwassal għall-immaniġġjar aħjar tal-migrazzjoni f’tentattiv…

Lokali

L-iskart organiku li beda jinġabar fl-aħħar xahar u nofs diġà qed jiġġenera l-enerġija daqskemm tintuża minn aktar minn 6,000 familja. Il-Kap Eżekuttiv tal-Wasteserv David Borg qal lil TVM li l-iskema…

Lokali

L-Awditur Ġenerali innota li t-tisħiħ fil-liġi tal-volontarjat li saru din is-sena għandhom isaħħu jdejn il-Kummissarju tal-Volontarjat fil-funzjoni regolatorja u l-governanza fis-settur tal-volontarjat. F’rapport li ppreżenta lill-Parlament, l-Awditur Generali Charles Deguara…

Lokali

Għalkemm qed ngħixu f’dinja li saret raħal u miżgħud b’mezzi teknoloġiċi, qed tikber il-pjaga tas-solitudni u magħha l-esklużjoni soċjali. Il-problema tinħass fil-faxex kollha tas-soċjetà, mit-tfal sal-anzjani u taf tiggrava fiż-żminijiet…

Aktar