Lokali
Kor Malti qed ipaxxi udjenzi internazzjonali b’kant sagru

Wara li kunċerti fl-Ingilterra, l-Awstrija u Franza, il-kor Malti St. Paul Choral Society għaddej bl-aħħar preparamenti qabel jerħilha lejn Spanja għar-raba’ vjaġġ mużikali tiegħu. TVM segwa l-provi li għaddej bihom dan il-kor li twaqqaf 20 sena ilu mid-direttur mużikali tal-kor, Dr Hugo Agius Muscat.

Malli rfisna fis-Santwarju tal-Ħniena Divina, fin-Naxxar, smajna sinfonija ta’ 47 vuċi melodjuża li mliet is-santwarju b’kant sagru minn repertorju mużikali li jinkludi xogħlijiet ta’ Bach, Handel, Marcello u Mozart bl-akkumpanjament tal-orgni.

Taħt id-direzzjoni ta’ Dr Hugo Agius Muscat, il-kor St. Paul Choral Society, għaddej bl-aħħar tħejjijiet għal vjaġġ mużikali li matulu ser ikanta fil-katidrali fi Spanja, fosthom dawk fl-ibliet ta’ Leon, Burgos u Santiago.

Dr Agius Muscat qal li l-kor, imqassam f’soprani, alti, tenuri u baxxi, tul is-snin baqa’ jikber fl-entużjażmu u l-esperjenza, u jadatta l-kant għal postijiet li jkun mistiedna fihom.

Dr Agius Muscat qal, “Hemm mużika sagra l-iżjed li nagħmlu. Kemm a capella, mingħajr akkumpanjament, kif ukoll b’akkumpanjament ta’ orgni jew ta’ orgni u orkestra, jew ta’ orkestra biss. Hemm ħames sekli ta’ mużika, mis-seklu 16 sal-iktar biċċiet moderni ta’ żminijetna.”

Il-qofol tal-impenji tal-kor fi Spanja jintlaħqu fit-8 ta’ Settembru, nhar il-festa tat-Twelid tal-Madonna, f’Misa del Peregrini.

Fost l-iżgħar membri tal-kor, Ann Marie Agius, żagħżugħa ta’ 27 sena, tiddeskrivi l-esperenzja f’dan il-kor fl-aħħar seba’ snin bħala waħda li tat bosta esperjenzi sbieħ. Qalet li jekk wieħed japprezza l-mużika sagra, din bħal donna idaħħlek f’dinja oħra.

Hija qalet, “Il-mużika pop u l-mużika li kulħadd jisma’ fuq ir-radio hija dik li nisimgħu – m’għadekx tisma’ ħafna mużika klassika allura l-exposure nħoss li hija ftit batuta fost il-poplu għal mużika bħal din, imma once li tibda tapprezzaha ma terġax tmur lura minnha.”

Għas-St. Paul Choral Society, il-vjaġġ mużikali fi Spanja, ix-xahar id-dieħel, huwa r-raba’ impenn internazzjonali wara li fl-aħħar sitt snin kellu l-opportunità li jkanta fil-katidral ta’ Westminister f’Londra, fi Vienna, Salzburg, Innsbruck u Pariġi. F’Malta, il-kor ikanta regolarment fil-Katidral tal-Ingliżi u l-Konkatidral ta’ San Ġwann.

Aħbarijiet Oħra
Eurovision

Malta kklassifikat fit-tmien post fis-semifinali tal-Eurovision li sar nhar il-Ħamis li għadda. Hija kisbet 157 punt. Fis-semifinali ta’ nhar il-Ħamis għaddew l-Olanda (280 punt), it-Tramuntana tal-Maċedonja (239 punt) l-Isveżja (238 punt), l-Isvizzera…

Qorti

Aftab Prince, Pakistani ta’ 37 sena wieġeb mhux ħati għall-akkuża li fit-12 ta’ Mejju li għadda stupra mara Pakistana f’aktar minn okkażjoni waħda. Huwa kien akkużat ukoll li dan wassal…

Kronaka

Katavru ta’ raġel ta’ 67 sena mill-Mosta nstab viċin Kemmuna. Kien ilbieraħ, għall-ħabta tal-10.50pm, meta l-Pulizija ġiet infurmata li kien għadu kemm intlemaħ ġisem ta’ persuna fil-baħar viċin is-Sikka ta’…

Qorti

Raġel ta’ 25 sena minn Wied il-Għajn tressaq il-Qorti akkużat bi traffikar tad-droga kannabis u pussess tad-droga kokaina u li kellu armi fil-pussess tiegħu. Quddiem il-Maġistrat Josette Demicoli, huwa wieġeb mhux…

Aktar