Lokali
Korsijiet ġodda biex tiġi indirizzata l-problema tan-nuqqas ta’ għalliema

Sa tmiem din is-sena skolastika, l-Istitut tal-Edukazzjoni qed jippjana li jfassal żewġ korsijiet ta’ Baċellerat u Masters għas-supply teachers biex tiġi indirizzata l-problema ta’ nuqqas ta’ għalliema fl-iskejjel.

Il-Kap Eżekuttiv tal-Istitut, Joanne Grima qalet li dawn il-korsijiet se jgħinu biex is-supply teachers isiru għalliema regolari.

Sa tmiem din is-sena skolastika, l-Istitut tal-Edukazzjoni qed jippjana li jfassal żewġ korsijiet akkreditati li għandhom jiftħu t-triq għas-supply teachers biex jiksbu l-kwalifiki u javvanzaw fil-karriera tagħhom.

L-Istitut se joffri dawn il-korsijiet, li jwasslu kemm għal Baċellerat kif ukoll għal Master’s Degree.

Joanne Grima qal li “hemm min għandu kwalifika mod u kwalifika għolja, biex ikunu jistgħu japplikaw għal dawn il-korsijiet li se jkunu qed noffru bħalissa għaddej l-iżvilupp tagħhom u jkunu jistgħu nagħtuhom l-opportunità biex minn supply teacher, issir għalliem regolari jekk ittemmu b’suċċess”.

Il-Kap Eżekuttiv tal-Istitut tal-Edukazzjoni, Joanne Grima qalet li dawn il-korsijiet se jkunu fuq bażi part-time u mhux teskludi li jinfetħu wkoll għal min irid bidla fil-karriera.

Qalet li f’Ġunju li għadda, mas-26 supply teacher temmew b’suċċess, kors ieħor offrut mill-Istitut tal-Edukazzjoni, li fetħilhom bieb biex isiru għalliema tal-post.

Joanne Grima  spjegat li kienu ggradwati f’suġġett li kien jiġi mgħallem fi skola sekondarja, però ma sabux post biex jgħallmuh dan is-suġġett fi skola sekondarja, imma kienu daħlu supply teachers fi skejjel primarji. Qalet li l-Istitut tal-Edukazzjoni ħoloq l-Adaptation Course li huwa Post-Graduate Certificate f’Livell 7 li nistgħu ngħidu huwa terz ta’ Master’s Degree għax fih 30 ECTS, u temmewh b’suċċess kollu f’Ġunju li għadda, tajniehom iċ-ċertifikat u dawk kellhom il-possibbiltà li japplikaw biex isiru teachers regolari.

Bħalissa, l-Istitut tal-Edukazzjoni joffri mas-62 kors akkreditat, f’livelli differenti, immirati biex l-għalliema jtejbu l-professjoni tagħhom.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar