Edukazzjoni
Kotba mil-letteratura Maltija b’tipa akbar għall-anzjani

L-anzjani ser ikollhom kotba mil-letteratura Maltija mitbugħa b’tipa akbar mill-medja. L-inzjattiva tas-Segretarjat Parlamentari għall-Anzjanità Attiva tnediet mal-anzjani li jattendu wieħed miċ-ċentri tal-Università tat-Tielet Età.

L-edukazzjoni m’għandiex età. Mas-700 anzjan jattendu f’xi wieħed mill-ħames ċentri tal-Università tat-Tielet Età fil-Floriana, tas-Sliema, Ħ’Attard, Bormla u l-Kampus ta’ Għawdex.

Il-Professur Marvin Formosa stqarr li l-Università tat-Tielet Età li bdiet toffri korsijiet lill-anzjani fl-1993, isservi bħala pjattaforma biex l-anzjani jkattru l-għarfien u l-ħiliet tagħhom f’suġġetti u oqsma mingħajr il-pressjoni tal-eżamijiet. Qal li ċ-ċentri joffru tagħlim f’suġġetti bħal filosofija, it-teoloġija, l-istorja u l-lingwi. Wera sens kbir ta’ sodisfazzjon li hemm anzjani li saħansitra għandhom disgħin sena li għadhom jattendu għal dawn il-korsijiet.

Id-Direttur tal-Università tat-Tielet Età, Marvin Formosa qal ”ħafna drabi… l-isterjotipa li anzjan, għax issa għandu disgħin sena huwa fraġli jew vulnerabbli… din mhux dejjem tkun r-realtà’.’

Għal Saviour Sammut li għandu 77 sena, il-korsijiet tawh ċans jiskopri orizzonti ġodda li qajla kellu l-opportunità jagħmel f’ħajtu u fl-istess waqt jissoċjalizza ma’ persuni tamparu.

”Iktar ma titkellem u tagħmilha mal-anzjani iżjed jgħallmuk għax dejjem għandhom xi ħaġa li jistgħu joffru u xi ħaġa ġdida li forsi inti ma tkunx tafha” qal Saviour Sammut.

Marcelle Tomasuolo Dandrea li għandha 74 sena qalet li riedet tinkiteb għall-korsijiet meta kien għad għandha 59 sena u kienet taħdem bħala gwida tat-turisti. Qalet li minn dak iż-żmien ma ħarsitx lura.

”Philosophy u teology huma s-suġġetti tiegħi, bħalissa qed nagħmel il-kors tat-teoloġija” qalet Marcelle Tomasuolo Dandrea.

Is-Segretarju Parlamentari għall-Anzjanità Attiva, Anthony Agius Decelis, żar iċ-ċentru ta’ Ħ’ Attard u nieda l-pubblikazzjoni ta’ kotba mill-pinna ta’ Frans Sammut b’tipa kbira għall-kumdità tal-anzjani. Il-kotba se jitqassmu fiċ-ċentri tal-Universita tat-Tielet Età, fiċ-ċentri ta’ matul il-jum u fid-djar residenzjali tal-anzjani.

 

 

Aħbarijiet Oħra
Kronaka

Saħnu l-irjus fix-Xlendi, f’Għawdex wara li turist ħebb għal xufier ta’ double-decker. L-inċident seħħ ilbieraħ fl-16:00 waqt l-attività tradizzjonali tal-ġosta li sseħħ ta’ kull sena fil-bajja. Mhux magħruf għala t-turist…

Kronaka

Anzjan ta’ 75 sena residenti l-Pietà tilef ħajtu meta waqa’ għoli ta’ tliet sulari. Il-każ seħħ ftit wara s-sebgħa ta’ llejla meta l-anzjan instab mal-art fl-inħawi ta’ ġnien li jinsab…

Lokali

Fil-ġranet li ġejjin, l-awtoritajiet tas-saħħa mistennija jagħmlu funeral tal-foqra lil erba’ persuni, li tlieta minnhom għandhom il-karta tal-identità Maltija li ilhom aktar minn xahrejn abbundannati fil-kamra mortwarja. Ma’ TVM, id-Direttur…

Aktar