Politika
“Kull min hu mimsus minn dawn il-ġrajjiet tal-waħx, għandu jwarrab minnufih” – Marie Louise Coleiro Preca

Il-President Emeritu Marie Louise Coleiro Preca kitbet appell biex il-poplu Malti jingħaqad. Fuq Facebook Coleiro Preca kitbet li mill-istorja tal-pajjiż il-poplu dejjem waqaf għall-valuri tal-onestà, il-ġenwinità, l-altruwiżmu, il-bżulija, l-għaqal u l-intergrità. Qalet li b’dak li qed iseħħ insterqitilna din l-identità. Hija qalet li l-poplu kapaċi jerġa’ jikseb il-fiduċja lura jekk f’dan il-mument kritiku jaġixxi fl-aħjar interess tal-pajjiż.

Sostniet li kull min hu mimsus, minn dawn il-ġrajjiet, li deskriviethom bħala tal-waħx, għandu jwarrab minnufih sabiex terġa’ ssaltan is-serenità u jibda x-xogħol li hemm bżonn isir biex terġa’ tinkiserb ir-reputazzjoni tajba li kellha Malta.

“Ma nistgħux inħallu din is-sitwazzjoni perikoluża tkaxkar aktar, lanqas għal ġurnata waħda oħra biss. Dan huwa żmien fejn il-politiċi jridu jħallu l-interess personali fil-ġenb, u nibdew proċess ta’ fejqan immedjatament, taħt it-tmexxija ta’ persuna li għandha l-kredenzjali li toħroġ lil pajjiżna minn din il-kriżi” qalet Marie Louise Coleiro Preca.

Sostniet li Malta għandha politiċi onesti u integri u “huma biss il-ftit li huma l-paljazza tar-razza”.

Temmet tgħid li għalhekk fil-mument prekarju li qed ngħixu fih, irridu nduru fuq l-għerf li jista’ jagħtihulna l-ħsieb kritiku biex nagħżlu l-aħjar b’risq Malta, u l-preżent u l-futur ta’ wliedna.

Aħbarijiet Oħra
Kisbiet

Charlayne Galea, segretarja f’kumpanija tad-diving ibbażata x-Xlendi, rebħet il-Premju Ħaddiem tas-Sena fil-qasam tat-turiżmu mogħti mill-Assoċjazzjoni Għawdxija tat-Turiżmu. Matul is-serata ta’ premjazzjoni ġew rikonoxxuti l-aħwa Ġużeppi u George Said għall-kontribut u…

NGOs

Imprenditur ewlieni ta b’kemm jiswew €7 miljun f’ishma tal-kumpanija lil numru ta’ għaqdiet filantropiċi. Paul Gauci, li għandu l-maġġoranza tal-ishma tal-grupp kummerċjali PG, għamel id-donazzjoni lill-ħames għaqdiet filantropiċi, bit-tir li…

Kronaka

Raġel ta’ 41 sena nqabad fil-fatt mill-Pulizija meta llum daħal f’dar f’Bormla, biex allegatament jisraq. Kienu għall-ħabta tas-2.00 ta’ waranofsinhar meta l-Pulizija ġew infurmati minn persuna li qalet li rat…

Politika

Il-Prim Ministru Robert Abela u l-Ministru għal Għawdex, Justyne Caruana kellhom laqgħa mal-Kunsill tal-Kamra tan-Negozju għal Għawdex. Il-Kamra qalet fi stqarrija li l-laqgħa kienet pożittiva u matulha ġew diskussi diversi…

Aktar