Lokali
Kumpanija Iżraeljana li taħdem riġlejn prostetiċi bi klinika f’Malta

Kumpanija Iżraeljana li tispeċjalizza fil-manifattura tar-riġlejn u s-saqajn prostetiċi, fetħet klinika f’Malta.

Fl-inawgurazzjoni, il-Prim Ministru Joseph Muscat qal li dan l-investiment juri li Malta qed tattira investiment dirett barrani, bil-kumpanija se ssaħħaħ in-niċċa tat-turiżmu mediku f’Malta.

Meron Advanced Orthopedic, kumpanija Iżraeljana, li tipproduċi riġlejn u dirgħajn prostetiċi għal min jitlifhom minħabba mard jew b’xi inċident jew diżabbiltà, fetħet klinika f’Malta.

Il-kumpanija, b’50 sena esperjenza f’dan il-qasam, qed timmira li toffri s-servizzi tagħha lil pazjenti, anke barranin, li jiġu għall-kura f’Malta għax ikollhom bżonn xi intervent prostetiku.

Israel Pilosof, l-ispeċjalista li jaħdem il-partijiet prostetiċi, qal li l-kumpanija għażlet lil Malta minħabba fost oħrajn il-pożizzjoni strateġika tagħha. “We also think about the countries that are around Malta and to bring a lot of medical tourism to Malta because I think Malta is at the centre of countries around.”

Tkellem ukoll dwar il-pjani tal-kumpanija. “We came here in Malta not just to work but to hire people, to teach the Maltese people how to work and for future for the Maltese worker.”

Wieħed mill-klijenti tal-kumpanija huwa Ofer Stahl, li 20 sena ilu tilef riġlejh f’inċident bil-mutur. Huwa għandu sieq artifiċjali u jistqarr li din biddlitlu ħajtu mil-lejl għan-nhar.

“I am a mountain bike instructor. I am doing it without feeling down by others. I just do my thing and my leg is always there for me,” qal Stahl.

Fl-inawgurazzjoni ta’ din il-klinika, il-Prim Ministru Joseph Muscat qal li dan huwa eżempju ieħor ta’ kif Malta qed tattira investiment dirett barrani. Dr Muscat qal li din il-kumpanija se tattira pazjenti barranin f’Malta u b’hekk issaħħaħ in-niċċa tat-turiżmu mediku f’Malta.

Aħbarijiet Oħra
Lokali

Id-destin tal-ponta ta’ Paceville reġa’ jinsab fl-arena ta’ argumenti favur u kontra l-iżvilupp propost mill-grupp DB. Il-Moviment Graffitti b’koalizzjoni ta’ għaqdiet u tliet kunsilli lokali ddikjara li anke l-pjanti riveduti…

Lokali

L-MUT ordnat tilwima industrijali mal-Gvern u ordnat direttivi sabiex fi kliemha tħares is-saħħa u s-sigurtà tal-membri. Fi stqarrija, l-MUT qalet li ma ġiet involuta bl-ebda mod fid-diskussjonijiet dwar id-deċiżjoni mill-Gvern…

Għawdex

B’investiment ta’ €130,000 waslu fl-aħħar stadju tagħhom ix-xogħlijiet fuq l-għassa ta’ Marsalforn, biex fi ftit tax-xhur oħra tkun tista’ taqdi aħjar lir-residenti u l-eluf li jżuru l-lokalità speċjalment fix-xhur tas-sajf….

Radju

L-Awtorità tax-Xandir fi stqarrija informat lill-pubbliku li nhar il-Ġimgħa 5 ta’ Ġunju bejn is-14:00 u l-17:00, se jkun hemm qtugħ fit-trasmissjoni tar-radju minħabba manutenzjoni fuq it-Torri tal-Għargħur. L-Awtorità qalet li se jsir sforz biex ix-xogħol…

Aktar