Lokali
Kunċert ieħor mit-tour tal-Orkestra Filarmonika ta’ Malta – Stuttgart

Ilbieraħ, l-Erbgħa, ħafna nies attendew il-Liederhalle ta’ Stuttgart biex isegwu t-tielet kunċert tat-tour Ewropew.

Taħt id-direzzjoni ta’ Sergey Smbatyan u bil-parteċipazzjoni tal-vjolist Amerikan David Aaron Carpenter u l-pjanist Awstrijak Ingolf Wunder, l-Orkestra Filarmonika ta’ Malta daqqet Kewn, xogħol oriġinali kkummissjonat apposta għal dan it-tour, Travel Notebook suite għall-pjanu u orkestra ta’ Alexey Shor u l-Ħames Sinfonija ta’ Tchaikovsky, xogħol ċelebri u magħruf.

Il-kunċert intlaqa’ tajjeb ħafna mill-udjenza fil-Liederhalle’s Beethoven-Saal, teatru li jesa’ 2,100 persuna u li kien ippakkjat għall-okkażjoni.

L-orkestra Maltija bdiet dan it-tour b’kunċert f’Dar il-Mediterran għall-Konferenzi s-Sibt li għadda, kunċert li serva wkoll bħala premier mondjali għax-xogħol ta’ Garzia qabel dan ix-xogħol indaqq ukoll fil-PhilharmonieGasteig ta’ Munich it-Tnejn li għadda.

Fi Stuttgart, il-mużiċisti tal-orkestra kellhom iċ-ċans jiltaqgħu ma’ mużiċist ieħor Malti li jinsab fuq tour fil-Ġermanja; il-vjolinist Carmine Lauri, co-leader tal-London Symphony Orchestra uguest leader tal-orkestra Maltija nnifisha. Carmine, li mexxa l-MPO waqt kunċert fit-Teatru Manoel aktar kmieni dax-xahar, se jmexxi l-London Symphony f’kunċert fi Stuttgart illejla.

L-orkestra Maltija issa telqet minn Stuttgart fi triqitha lejn Wiesbaden, belt spa, il-kapitali tal-istat Ġermaniż ta’ Hesse. Hemmhekk l-orkestra se tagħti kunċert fit-Teatru Kurhaus għada filgħaxija.

L-ispejjeż kollha tal-Eurotour tal-Orkestra Filarmonika ta’ Malta huma koperti mill-isponsorship ġeneruż tal-European Foundation for Support of Culture, organizzazzjoni li tagħti sapport regolari lill-orkestra.

Aħbarijiet Oħra
Lokali

Emma Muscat se tkanta fl-Isle of MTV. Dan tħabbar fil-paġna uffiċjali fuq Facebook tal-Isle of MTV Malta. Emma kisbet suċċess kbir u serqet il-qlub ta’ bosta Maltin wara li rnexxielha…

Lokali

Alessandro Salerno li tkeċċa mix-xogħol wara li tkellem pubblikament fuq l-isfidi mentali tiegħu, se jgħin fil-kampanja tal-Fondazzjoni Richmond biex tkun mgħammra dar fil-Ħamrun li se toffri servizzi lil tfal u…

Lokali

L-ispezzjonijiet li saru fl-aħħar ġimgħa f’diversi siti tal-kostruzzjoni f’Tas Sliema, f’San Ġiljan u fil-Gżira kkonfermaw li f’60% tagħhom kien hemm nuqqas ta’ osservanza tar-regolamenti tal-bini. Dawn ingħataw ġimagħtejn biex jirregolarizzaw…

Lokali

Ħalba xita qawwija bis-sajjetti fl-ewwel jum tal-istaġun tas-sajf, għarqet diversi lokalitajiet magħrufa fejn jinġemgħa l-ilma u fost oħrajn tat battikatta lid-dilletanti Qriema u s-Siġġiwin biex iħarsu l-armar tal-festa mill-ħsara li…

Aktar