Barranin
Kundannati l-proposti elettorali tal-prim ministru Benjamin Netanyahu

Għadd ta’ pajjiżi Għarab ikkundannaw il-proposti elettorali mressqa mill-prim ministru Izraeljan Benjamin Netanyahu biex l-Iżraeljani jieħdu f”idejhom partijiet okkupati fix-xatt tal-Punent.

Waqt diskors televiżiv bħala parti mill-kampanja għall-elezzjonijiet tas-sbatax ta’ Settembru, Netanyahu qal li jekk ikun elett irodd iżjed sovranità lill-Iżraeljani li jgħixu f’artijiet fil-wied tal-Ġordan. Il-pjan kien ikkritikat minn uffiċjali Ġordaniżi, Torok u Sawdi bil-Lega Għarbija tiddeskrivi l-mossa bħala aggressjoni.

Id-diplomatiku Palestinjan Saeb Erekat iddeskriva l-pjani bħala att kriminali u qal li jekk ikunu attwati magħhom jgħibu wkoll kwalunkwe prospetti għal paċi fir-reġjun. L-artijiet ilhom okkupati mill-Iżraeljani sa mill-1967 iżda sa issa ma kienux jitqiesu bħala territorju sovran Iżraeljan. Netanyahu ddikjara wkoll li jrid jieħu l-kontroll tal-qagħdiet Iżraeljani fix-xatt tal-Punent iżda jrid jistenna l-proposti mitbugħa tal-president Amerikan Donald Trump għall-pjan ta’ paċi fir-reġjun. Qal madankollu li l-pjan ikun attwat fiż-żona tal-wied Ġordaniż u fit-tramuntana tal-baħar mejjet b’mod immedjat jekk ikun elett.

Aħbarijiet Oħra
Barranin

Il-Kap Eżekuttiv tal-kumpanija Apple, Tim Cook, ħabbar li s-sena d-dieħla l-kumpanija se tkun qed tiftaħ l-ewwel ħwienet tagħha fl-Indja. Hu ħabbar dan waqt laqgħa tal-azzjonisti, fejn qal li l-kumpanija kellha…

Barranin

L-Italja huwa uffiċjalment l-iktar pajjiż fid-dinja fejn il-virus qed jinxtered b’ rata mgħaġġla, saħansitra iktar miċ-Ċina, minn fejn beda. Ilbieraħ l-Italja rat żieda ta’ 25% f’każi ġodda ta’ Covid-19, fejn sa…

Barranin

Mil-lat internazzjonali aktar pajjiżi ewropej irrapurtaw każijiet ta’ Coronavirus. Fl-Italja, l-imwiet telgħu għal tnax waqt li hemm 400 każ ta’ Coronavirus, fosthom sitt itfal. Dan ma wassalx lill-pajjiżi ġirien biex…

Barranin

Għadd ta’ pajjiżi Ewropej ħabbru li għandhom l-ewwel każijiet ta’ coronavirus u lkoll jidhru li huma assoċjati mal-imxija tal-virus li bdiet fl-Italja. L-Awstrija, il-Kroazija u l-Iżvizzera qalu li l-każijet jinvolvu…

Aktar