Kisbiet
Kuntistabbli u atleta – kiseb medalja tal-fidda fl-Olimpijadi tal-Pulizija

Kuntistabbli tal-Pulizija kklassifika fit-tieni post fl-Olimpijadi tal-Pulizija li saru fiċ-Ċina. Din kienet l-ewwel darba li l-korp tal-pulizija ħa sehem f’dawn l-Olimpijadi. Il-Kuntistabbli, Andrew Grech li hu wkoll atleta rinomat f’pajjiżna, ġie ppreżentat b’medalja tal-fidda wara li ġie fit-tieni post fin-nofs maratona waqt dan l-avveniment li fih ħadu sehem uffiċċjali minn sebgħin pajjiż.

Il-kuntistabbli tal-Pulizija, Andrew Grech Irritorna miċ-Ċina fejn ħa sehem fl-Olimpijadi tal-Pulizija, li huma miftuħa għall-pulizija u pumpiera minn madwar id-dinja. Hu ħa sehem fin-nofs maratona b’distanza ta’ 21 kilometru u kklassifika fit-tieni post minn fost 2,000 atleta.

“Kelli sajf sħiħ aktar impenjat mis-soltu, fejn is-soltu fis-sajf inaqqas, dan is-sajf kien impenjat ħafna għalija.”

Apparti x-xogħol ta’ Kuntistabbli fejn hu stazzjonat fid-distrett ta’ Tas-Sliema, Andrew hu wkoll atleta. Erba’ ġimgħat oħra se jieħu sehem fil-maratona ta’ Berlin. L-Olimpijadi tal-Pulizija jsiru kull sentejn. Din kienet l-ewwel darba li Malta ħadet sehem.

“Kont l-uniku wieħed li minn pajjiż wieħed, ġie magħżul atleta wieħed. Minn 79 pajjiż, kollu kienu minn żewġ atleti ‘l fuq. B’kollox konna 11,000 atleta.”

Sentejn oħra, l-Olimpjadi tal-Pulizija se jsiru f’Rotterdam u Andrew Grech beħsiebu jerġa’ jipparteċipa. Is-sehem tiegħu f’din l-edizzjoni tal-Olimpijadi li saret iċ-Ċina seħħet wara kuntatti mill-President tal-Għaqda Ħbiberija bejn Malta u ċ-Ċina, Reno Calleja.

Din kienet l-ewwel darba li l-Olimpijadi saru fl-Asja. Staqsejna lil Andrew jekk kienx affettwat mill-kwalità tal-arja li fiċ-Ċina hu magħruf li mhix daqstant tajba.

“Chengdu fil-post fejn kont jien, l-awtoritajiet qalulna li wieħed mill-aktar postijiet l-inqas li huwa milqut mit-tniġġis però kif isiru d-disgħa u nofs, l-għaxra, tħoss l-arja vera tqila, ngħid għalija ma kinetx daqshekk nadifa bħala arja.”

Żied jgħid li fejn kien kien hemm umdità għolja u ħafna sħana bħal Malta iżda l-istil ta’ ħajja fiċ-Ċina huwa differenti.

Il-Prim Ministru Joseph Muscat awgura lill-Kuntistabbli Grech għas-suċċess li kiseb f’laqgħa miegħu fil-berġa ta’ Kastilja.

Aħbarijiet Oħra
Settur Marittimu

Il-kumpanija Valletta Cruise Port li tmexxi t-terminal tal-passiġġieri tal-cruise-liners u faċilitajiet oħra fil-Port il-Kbir qed tieħu miżuri favur l-ambjent biex tikseb ċertifikazzjoni ta’ port ekoloġiku. Intervistat minn TVM, il-Kap Eżekuttiv…

Knisja Maltija

L-Arċisqof Charles J. Scicluna appella għar-rispett lejn id-dinjità tal-mara waqt quddiesa li fiha talab biex terġa’ tinfetaħ il-kawża għall-beatifikazzjoni ta’ Adelaide Cini, li qal l-eżempju ta’ ħajjitha u l-ħidma li…

Qorti

Il-Qorti Kostituzzjonali laqgħet ir-rikors tal-Ministri Edward Scicluna, Konrad Mizzi u Chris Cardona biex ma jixhdux f’kawża kostituzzjonali iżda fi żmien jumejn iridu jippreżentaw s-silta minn fejn ikkwotaw ir-rapport tal-inkjesta Egrant…

Budget

Il-Ministru għall-Finanzi, Edward Scicluna qal li l-Budget ippreżentat ilbieraħ u r-reazzjoni ġenerali għalih huma turija li l-Gvern hu konxju tal-isfidi, l-opportunitajiet u l-ħtiġijiet tan-nies. F’konferenza tal-aħbarijiet l-għada tal-Budget, il-Ministru Scicluna…

Aktar